पूर्वाधार निर्माणसँगै पर्यटकीय गन्तव्य बन्दै कपासे भञ्ज्याङ

रासस

सारांश
- भोजपुर र खोटाङको सिमानामा अवस्थित कपासे भञ्ज्याङमा पदमार्ग, प्रवेशद्वार र सालिकजस्ता पूर्वाधार निर्माण भएपछि पर्यटकको आकर्षण बढ्दै गएको छ।
- यस क्षेत्रलाई प्रमुख पर्यटकीय गन्तव्य बनाउन तथा ‘ग्रेटर मुन्दुम पदमार्ग’सँग जोड्न भोजपुरको टेम्केमैयुङ र खोटाङको खोटेहाङ गाउँपालिकाले आपसी सहकार्य गरिरहेका छन्।
- पर्यटकहरूको आगमनमा भएको वृद्धिसँगै कपासे क्षेत्रमा स्थानीय कृषि उत्पादनको बजारीकरणमा सहयोग पुगेको र आर्थिक गतिविधिकetw बढेको स्थानीयले बताएका छन्।

भोजपुर । पूर्वाधार निर्माणसँगै भोजपुर र खोटाङ जिल्लाको सिमानामा अवस्थित कपासे भञ्ज्याङ पर्यटकको आकर्षक गन्तव्य बन्दै गएको छ । यस क्षेत्रको प्रवर्द्धन गर्ने उद्देश्यले पदमार्ग, प्रवेशद्वार तथा सुम्निमा–पारुहाङको सालिकलगायतका संरचना निर्माण गरिएपछि पर्यटकको आवागमन बढ्न थालेको हो ।
भोजपुरको टेम्केमैयुङ गाउँपालिका–९ लेखर्कले कपासे भञ्ज्याङको विकासका लागि मझुवा–कपासे भञ्ज्याङ पदमार्ग तथा विश्रामस्थल निर्माण गरेको छ । पदमार्ग निर्माणसँगै पर्यटकलाई यस क्षेत्रमा पुग्न सहज भएको छ । दुई जिल्लाको सङ्गमस्थलका रूपमा रहेको कपासे भञ्ज्याङको पर्यटन विकासका लागि भोजपुर र खोटाङका स्थानीय तहबीच सहकार्य भइरहेको छ ।
“कपासे भञ्ज्याङ पर्यटकीय सम्भावना बोकेको क्षेत्र हो”, उनले भने, “यस क्षेत्रको विकासमा हामी जुटेका छौँ । वडाको बजेटबाट प्रवेशद्वार र पदमार्ग निर्माण गरेका छौँ । कपासे क्षेत्रलाई स्थापित पर्यटकीय गन्तव्य बनाउने हाम्रो लक्ष्य छ ।”
कपासे भञ्ज्याङलाई ग्रेटर मुन्दुम पदमार्गसँग जोड्ने लक्ष्यसहित पर्यटन पूर्वाधार विकासका काम भइरहेको वडा कार्यालयले जनाएको छ । यस क्षेत्रको प्राकृतिक सौन्दर्य, भौगोलिक अवस्थिति तथा सांस्कृतिक महत्वलाई पर्यटनसँग जोड्न सके पूर्वी पहाडी क्षेत्रकै आकर्षक गन्तव्यका रूपमा विकास गर्न सकिने सम्भावना रहेको वडाध्यक्ष माङ्गपाहाङ्गको भनाइ छ ।
प्राकृतिक सौन्दर्यले भरिपूर्ण कपासे भञ्ज्याङमा आन्तरिक पर्यटकको आवागमन बढेसँगै स्थानीय उत्पादनको बजारीकरणमा सहयोग पुगेको स्थानीय बबिन्द्र राईले बताए । पर्यटकलाई लक्षित गरी आवश्यक संरचना निर्माण गरिएपछि यस क्षेत्रको पर्यटन विकासमा सकारात्मक प्रभाव परेको उनको भनाइ छ ।
“पर्यटक लक्षित संरचना निर्माण भएपछि यस क्षेत्रको विकासमा टेवा पुगेको छ”, उनले भने, “दुई जिल्लाका स्थानीय सरकारले यहाँको विकासका लागि आवश्यक काम गरिरहेका छन् । घुम्न आउने मानिसको सङ्ख्या बढेको छ । यसले स्थानीय कृषि उत्पादनको बजारीकरणमा सहयोग पुगेको छ । यस क्षेत्रको विकासले हामीमा उत्साह थपिएको छ ।”
कपासे भञ्ज्याङको प्रचारप्रसार र स्थानीय उत्पादनको बजारीकरणलाई थप प्रभावकारी बनाउन सके यस क्षेत्रको आर्थिक तथा पर्यटकीय गतिविधिमा वृद्धि हुने उनको भनाइ छ ।

चीन र क्यानडाबिच व्यापार सम्झौता विस्तार, ४० करोड क्यानेडियन डलरका वस्तुमा भन्सार छुट

जापानी हवाई क्षेत्रमा रुसी विमान प्रवेश, लडाकू जेट परिचालन

आन्तरिक पर्यटकको रोजाइ बन्दै गुल्मीको रेसुङ्गा पार्क, ४० हजारभन्दा बढीले गरे अवलोकन

कोप–३१ को कभर डिसिजनमा नेपाल, भुटान र किर्गिजस्तानको पर्वतीय प्रस्ताव समावेश

जाडो बढेसँगै पूर्वी तराईमा तातो भक्काको व्यापार चम्कियो, गृहिणीलाई हिउँदको सहारा
अरुपनि पढ्नुहोस
सबै
मध्यावधि निर्वाचनको धक्कापछि एसिया भ्रमणबाट शक्ति प्रदर्शन गर्ने दाउमा ट्रम्प

बहुउद्देश्यीय कभर्ड हल निर्माण गर्न देउसी, भैलो

‘काव्यनगरी’ हेम्जामा दोस्रो साहित्य महोत्सव हुँदै

तनहुँमा वन अतिक्रमण हटाएर चार सय टिमुरका बिरुवा रोपियो
















