चोरमारामा स्कुटर अनियन्त्रित भएर पल्टियो, चालक गम्भीर घाइते

कावासोती । पूर्वी नवलपरासीको मध्यबिन्दु नगरपालिका–७ चोरमारा उकालोमा स्कुटर दुर्घटना हुँदा एक जना गम्भीर घाइते भएका छन् । दुर्घटनामा कावासोती नगरपालिका–८ निवासी ५३ वर्षीय प्रकाश लामा गम्भीर घाइते भएका छन्। उनको अनुहार, टाउको तथा हातखुट्टामा चोट लागेको प्रहरीले जनाएको छ।

आज दिउँसो ग.प्र.०४–००१ प ३००० नम्बरको स्कुटर चालकले नियन्त्रण गुमाउँदा स्कुटर अनियन्त्रित भई सडकमा पल्टिएको हो । दुर्घटना लगत्तै प्रहरी टोली घटनास्थलमा पुगेर घाइते लामालाई उद्धार गरी उपचारका लागि मध्यबिन्दु प्रादेशिक अस्पताल डण्डा पठाएको थियो।

दुर्घटनामा परेको स्कुटरसमेत प्रहरीले नियन्त्रणमा लिएको जनाएको छ।