नवलपरासीमा ८ लाख भन्दा बढी मुल्यको गाडीका पार्टसहरु नियन्त्रणमा

नवलपुर टुडे

6.4KShares

सारांश

पश्चिम नवलपरासीको पाल्हिनन्दन गाउँपालिकाबाट प्रहरीले करिब साढे ८ लाख रुपैयाँ मूल्य बराबरका अवैध गाडीका पार्टपुर्जाहरू बरामद गरेको छ।
संयुक्त प्रहरी टोलीले बेवारिसे अवस्थामा भेट्टाएका १९ थान गियर बक्स र १२ बोरा विभिन्न पार्टपुर्जाहरू नियन्त्रणमा लिएको हो।
बरामद गरिएका सम्पूर्ण सामानहरू आवश्यक अनुसन्धान तथा कारबाहीका लागि महेशपुर भन्सार कार्यालयमा बुझाइएको छ।

नवलपरासी । पश्चिम नवलपरासीबाट लाखौ मूल्य बरावरको अबैध रुपमा नेपाल ल्याईएका गाडीका विभिन्न पार्टपुर्जाहरु प्रहरीले वेवारिसे अवस्थामा बरामद गरिएको छ ।

नवलपरासीको पाल्हिनन्दन गाउँपालिका- १ रमपुरवास्थित वेवारिसे अवस्थामा राखिएका रु. ८,५०,०००/-(आठ लाख पचास हजार) बराबरका गाडीका विभिन्न पार्ट्सहरु लुम्बिनी प्रदेश प्रहरी कार्यालय दाङ र इलाका प्रहरी कार्यालय महेशपुरबाट खटिएका संयुक्त प्रहरी टोलीले बरामद गरिएको हो ।

बरामद सामानहरु गियर बकस १९ थान र गाडीको विभिन्न पार्टसहरु १२ बोरा गरी बरामद गरिएको जिल्ला प्रहरी कार्यालय नवलपरासीका सुचना अधिकारी एवम प्रहरी नायव उपरीक्षक मदन थापाले नवलपुर टुडेलाई जानकारी दिएको छ ।

बरामद सामान आवश्यक कारबाहीका लागि महेशपुर भन्सार कार्यालय बुझाएको थापाले जनाएको छ ।