सप्तरीमा कुटपिट गरेको आरोपमा दुईजना पक्राउ

राजविराज । सप्तरीको कञ्चनरुप नगरपालिका वडा नम्बर ८ मा छिमेकीमाथि कुटपिट गरेको आरोपमा प्रहरीले दुई जनालाई पक्राउ गरेको छ ।

स्थानीय १९ वर्षीय हिमेश पासवान र सोही ठायँ १९ वर्षीय श्रीचन्द्र मण्डललाई कुटपिटमा संलग्न रहेको आरोपमा प्रहरीले पक्राउ गरेको हो ।
उनीहरुले छिमेकी १८ वर्षीय राहुल सरबरिया, १९ वर्षीय श्रवण सदा र १८ वर्षीय राजु सदालाई कुटपिट गरि घाइते बनाएको आरोप रहेको छ ।

२०८३ कार्तिक ४ गते जिल्लाको कञ्चनरुप नगरपालिका वडा नम्बर ८ स्थित विद्युत कार्यालय अगाडि झै–झगडा कुटपिट भएको खबर प्राप्त भएपछि इलाका प्रहरी कार्यालय कंचनपुरबाट खटिएको प्रहरी टोलीले उनीहरुलाई नियन्त्रणमा लिएको जिल्ला प्रहरी कार्यालय सप्तरीले जनाएको छ ।

कुटपिटबाट घाइते तीनै जनाको उपचार भइरहेको र उनीहरुको अवस्था मध्यम रहेको प्रहरीले जनाएको छ ।
पक्राउ परेका युवाहरू विरुद्ध ज्यान मार्ने उद्योग कसुरमा मुद्दा दर्ता गरी पक्राउ पुर्जी सप्तरी जिल्ला अदालतबा समर्थन लिएर अनुसन्धान अगाडि बढाइएको प्रहरीले जनाएको छ ।