जैविक मल उत्पादकहरूको विवरण सङ्कलन अभियान सुरु

काठमाडौँ । व्यावसायिक प्राङ्गारिक तथा जैविक मल उत्पादकको विवरण सङ्कलन अभियान सुरु भएको छ । प्राङ्गारिक तथा जैविक मलको व्यावसायिक उत्पादनलाई प्रवर्द्धन गर्ने, उत्पादनको गुणस्तर अभिवृद्धि गर्ने तथा उत्पादकबिच सशक्त सञ्जाल निर्माण गर्ने उद्देश्यले यो अभियान सञ्चालन गरिएको कृषि, वन तथा पर्यावरणमन्त्री गीता चौधरीले जानकारी दिइन् ।

उत्पादकहरूले ‘क्यस आर कोड’ स्क्यान गरेर वेबसाइटमार्फत आफ्नो विवरण अनलाइन दर्ता गर्न सक्नेछन् । विवरण दर्ता गर्ने अन्तिम मिति २०८३ साउन २१ गते (बिहीबार) सम्म छ ।

मन्त्रालयले सबै व्यावसायिक प्राङ्गारिक तथा जैविक मल उत्पादकलाई समयमै विवरण दर्ता गराई दिगो कृषि विकास, माटोको उर्वराशक्ति संरक्षण तथा प्राङ्गारिक कृषि प्रवर्द्धनको अभियानमा सहभागी हुन आह्वान गरेको हो ।