महाशिलाका जनप्रतिनिधि, कर्मचारी र शिक्षकले आफ्ना बालबालिका अनिवार्य सामुदायिक विद्यालयमा पढाउनुपर्ने
दिप्शन गुरुङ


पर्वत । पर्वतको महाशिला गाउँपालिकाले पालिकाभित्रका सबै जनप्रतिनिधि, कर्मचारी र शिक्षकले आफ्ना बालबालिका अनिवार्य रूपमा सामुदायिक विद्यालयमा पढाउनुपर्ने निर्णय गरेको छ । आइतबार सम्पन्न कार्यपालिका बैठकले सरकारी कर्मचारी एवं जनप्रतिनिधिले अनिवार्य रूपमा सामुदायिक विद्यालयमा भर्ना गर्नुपर्ने निर्णय गरेको हो ।
गाउँपालिकाले पालिकाभित्रका सबै कर्मचारी, जनप्रतिनिधि र शिक्षकका बालबालिकाको तथ्याङ्कसमेत सङ्कलन गरिसकेको छ । सोही तथ्याङ्कको आधारमा यस्तो निर्णय गरिएको हो । यदि सामुदायिक विद्यालयमा पढाउँदिन, निजी विद्यालयमै पढाउँछु भन्ने जनप्रतिनिधि, कर्मचारी र शिक्षकका लागि पालिकाले नयाँ सुविधासमेत दिएको छ । जनप्रतिनिधिलाई राजीनामा दिएर बस्न र कर्मचारी वा शिक्षकलाई सरूवा भएर अन्यत्र जाने सुविधा दिएको अध्यक्ष भुसालले बताए ।
निजी विद्यालय नहुने जिल्लाका सात गाउँपालिकामध्ये एकमात्र महाशिला हो । अन्य ६ वटा पालिकामा निजी विद्यालय सञ्चालनमा रहेका छन् । गाउँपालिकामा जनप्रतिनिधि निर्वाचित भएसँगै सामुदायिक विद्यालयको गुणस्तरमा सुधार आएपछि गाउँपालिकाका विभिन्न वडामा सञ्चालित निजी विद्यालय बन्द भएका हुन् ।
वर्ष देखिनै सामुदायिक विद्यालयमा पढाउने अभियान सञ्चालन गर्ने तयारी भए पनि तथ्याङ्क सङ्कलन नभएकाले यस वर्षदेखि लागू गरिएको हो । अहिले विद्यालय भर्ना हुने समय रहेकाले यही बेला कार्यपालिकाले निर्णय गरेको र तत्काल कार्यान्वयनमा समेत जाने अध्यक्ष भुसालको भनाइ छ । पालिकाभरिमा एक सयभन्दा बढी बालबालिका शिक्षक, कर्मचारी र जनप्रतिनिधिका बालबच्चा रहेका छन् । उनीहरू अहिले निजी विद्यालयमा पढिरहेको तथ्याङ्क पालिकासँग छ ।
हुनेखानेका बालबालिका गुणस्तरीय शिक्षाको नाममा बजार जाने र गाउँमा रहेका विपन्न तथा मध्यम परिवारका बालबालिकासमेत लामो समय विद्यालयमा नटिक्ने समस्या भएपछि गाउँपालिकाले सामुदायिक विद्यालयबाटनै निजी विद्यालय सरहको शिक्षा दिन थालेको छ ।
महाशिलाका सबै सामुदायिक विद्यालयमा कक्षा नर्सरीदेखि १० सम्मनै अङ्ग्रेजी माध्यममा पढाइ सञ्चालन भइरहेको छ । ‘बोर्डिङ स्कुलले दिने शिक्षा सामुदायिकबाट नै दिनसकेका छौँ’, भुुसालले भने, ‘सहरबजारमा पढाएकाले पनि आफ्ना बालबालिकालाई अब गाउँमै बोलाउनुपर्छ । अन्यथा पालिकाको सेवा सुविधावाट बञ्चित गरिने उहाँको भनाइ छ ।

आन्तरिक पर्यटकको रोजाइ बन्दै गुल्मीको रेसुङ्गा पार्क, ४० हजारभन्दा बढीले गरे अवलोकन

कोप–३१ को कभर डिसिजनमा नेपाल, भुटान र किर्गिजस्तानको पर्वतीय प्रस्ताव समावेश

जाडो बढेसँगै पूर्वी तराईमा तातो भक्काको व्यापार चम्कियो, गृहिणीलाई हिउँदको सहारा

मध्यावधि निर्वाचनको धक्कापछि एसिया भ्रमणबाट शक्ति प्रदर्शन गर्ने दाउमा ट्रम्प

बहुउद्देश्यीय कभर्ड हल निर्माण गर्न देउसी, भैलो
अरुपनि पढ्नुहोस
सबै
‘काव्यनगरी’ हेम्जामा दोस्रो साहित्य महोत्सव हुँदै

तनहुँमा वन अतिक्रमण हटाएर चार सय टिमुरका बिरुवा रोपियो

मुक्तिनाथ रथयात्रा सम्पन्न, आजदेखि एकमहिने महायज्ञ सुरु हुँदै

















