सर्लाही ४ (ख) मा माओवादीका महतो विजयी

सर्लाही । सर्लाही ४ (ख) मा सत्ता गठवन्धनकाबाट उम्मेदवारी दिएका नेकपा माओवादी केन्द्रका फकिरा महतो विजयी भएका छन् । 

महतोले ८ हजार ३३ मत ल्याएर विजयी भएका हुन् । माओवादीका महतोले स्वतन्त्र उम्मेदवार अनिता देवीलाई ३ सय ५७ मतान्तरले पछि पार्दै जित हाँसिल गरेका हुन् ।

सुरुदेखी नै महतोलाई पच्छ्याई रहेकी अनिता देवीले ७ हजार ६ सय ७६ मत प्राप्त गरिन् । यस्तै जनमत पार्टीका संजय सिंहले ५ हजार १ सय ४७ र स्वतन्त्र उम्मेदवार श्रीचन यादवले ३ हजार ५ सय ४४ मत मात्र प्राप्त गरेका छन् । 

यसअघि प्रदेश सभा (क) मा नेपाली कांग्रेसका बिरेन्द्रप्रसाद सिंह विजयी भइसकेका छन् ।