ओली प्रधानमन्त्री भएपछि राजतन्त्र उल्ट्याउन लागेः प्रचण्ड

काठमाडौं, कात्तिक ७ । नेकपा माओवादी केन्द्रका अध्यक्ष पुष्पकमल दाहाल प्रचण्डले एमाले अध्यक्ष केपी शर्मा ओलीको असंवैधानिक कदमविरुद्ध गठबन्धन बनेको दोहो¥याएका छन् । सोमबार भएको बागमती प्रदेशस्तरीय कार्यकर्ता भेलालाई सम्बोधन गर्दै उनले सानो मेहनत र सानो कसरतबाट आफूहरु एकजुट नभएको बताए ।

उनले भने, ‘हामीहरु एकजुट नभएको भए देश दुर्घटनामा जाने निश्चित थियो । त्यसैले हामी प्रतिगमनलाई परास्त गर्न एकजुट भएका हौं । त्यसैले मंसिर ४ को निर्वाचनलाई सामान्य रुपमा नलिनुहोला । अहिले दुई प्रवृत्तिका शक्तिबीच राजनीतिक मुठभेड हुँदैछ ।’ एमाले गठबन्धन परिवर्तनविरोधी भएको प्रचण्डको आरोप छ । आगामी निर्वाचन अग्रगमन र प्रतिगनबीचको संघर्ष भएको उनले बताए । ‘नेपालमा संविधानसभा सम्भव छैन । राजतन्त्र फाल्न सम्भव छैन भन्ने नेताहरु थिए । तर, त्यतिवेलाका सात राजनीतिक दल र माओवादीबीच संघीय लोकतान्त्रिक गणतन्त्रका लागि एक हुनुपर्छ भन्नेर हामी संविधानसभासम्म पुग्यौं ।

हिजोको गोरुगाढावाला सिद्धान्तका मान्छेले संविधानमा हस्ताक्षर गरेपछि संघीयता र परिवर्तनवादी भए भनेर सोचेका थियौं’, उनले भने, ‘हामीले वाम गठबन्धन गरेपछि मात्रै थाहा भयो । संविधान स्वीकारेका रहेनछन् । आफू पावरमा आएपछि संविधान र गणतन्त्र उल्टाउने कसरत गरे ।’