पुर्वमन्त्री एवम प्रतिनिधि सभा सदस्य पदका उम्मेदवार कण्डेल वडास्तरीय भेला तथा घरदैलो कार्यक्रममा ब्यस्त(तस्बिर सहित)

नवलपरासी, कार्तिक ०५ । यहि मंसिर ४ गते हुने प्रतिनिधि सभा तथा प्रदेश सभाकाे चुनाव नजिकिँदै जादा नवलपरासीका सम्पूर्ण राजनीतिक दलहरु चुनावी प्रचारप्रसारमा व्यस्त देखिन्छन् । यसै क्रममा पश्चिम नवलपरासी क्षेत्र नं २ का प्रतिनिधि सभा सदस्य पदका उम्मेदवार तथा नेपाली काङ्ग्रेसका केन्द्रीय सदस्य देवेन्द्रराज कण्डेलले रामग्राम नगरपालिका वडा नं १७ काे बरारी, महुवा, पिपरहिया र देवगावमा घरदैलो तथा गाउँ भेला गर्नुभएकाे छ ।

साथै रामग्राम नगपालिका वडा नं १५ काे ननई, डिघवल, घिनहा र सुक्राैली लगायतकाे टाेलमा घरदैलो गरिएकाे कण्डेलका स्वकिय सचिव कमल किशोर रायमाझीले जानकारी दिनुभयाे । यस्तै नेपाली काङ्ग्रेसद्वारा सरावल गाउँपालिका वडा नं ४ मा वडा स्तरीय अगुवाकार्यकर्ता भेला सम्पन्न गरिएकाे छ ।

नेपाली काङ्ग्रेस नेता जनमजय यादवकाे अध्यक्षता तथा प्रतिनिधि सभा क्षेत्र नं २ का उम्मेदवार एवम् नेपाली काङ्ग्रेसका केन्द्रीय सदस्य देवेन्द्रराज कण्डेलकाे प्रमुख आतिथ्यता तथा प्रतिनिधि सभा क्षेत्र नं १ का उम्मेदवार एवम् नेपाली काङ्ग्रेस केन्द्रीय सदस्य विनाेद चाैधरी, क्षेत्र नं १ (ख) प्रदेश सभा सदस्य पदका उम्मेदवार देवकरण कलवार (सन्तु) लगायतका नेताहरुले आफ्नो भनाई राख्नुभएकाे कण्डेलका स्वकीय सचिव रायमाझीले बताउनुभयो ।