तस्करको भरिया बन्दै सिमा नाकाका सशस्त्र प्रहरी

रामजी प्रजापति
नवलपरासी । पश्चिम नवलपरासीमा सशस्त्र प्रहरीको मिलोमतोमा दिनदहाडै तस्करी हुदै आएको छ । बिगत केही दिनदेखि दिनहुँ बसहिया नाकाबाट सशस्त्र प्रहरीको प्रत्यक्ष उपस्थितिमा तस्कर भैरहेको छ । तस्करहरुले दिनहुँ मोटरसाइकलमा सयौ बोरा सामान राखेर भारतबाट नेपालतर्फ ल्याईएको पाईएको छ।

सशस्त्र प्रहरीका ईन्सपेटक्टर आफै तस्करहरुलाई मिलाएर तस्करी गराईरहेको देखिएको छ । बसहिया नाकामा दिउँसो साईकल र मोटरसाईकलको प्रयोग गरि चिनि, मल तथा अन्य सामान नेपालतर्फ ल्याउने गरेको छ । त्यसै गरि गेर्माका सशस्त्र प्रहरीका इन्सपेक्टर नहुदा सईले ममोमानी ढङ्गले आफ्नो जवानलाई खटाएर तस्करीहरुलाई सहायता गर्दै आईरहेको छ।

सशस्त्रका जवानहरुमार्फत हरेक तस्करसँग पैसा असुलेर सईलाई बुझाउने गरेका छन । उक्त नाकाबाट दिनहुँ टायल, चिनि, हार्डवेर र माछा लगायतका सामानहरु खुल्ला रुपले सिमाना वारी ल्याइएको पाईएको छ ।

त्यसैगरी, पडरी नाकाबाट भंन्सार छली भैसीको तस्करी गराउदैछन । डिउटीमा खटिएका सशस्त्रका जवानहरु गएको मङ्गलबार दिउसोको १२ बजेसम्म १४ पिकप भैसी पडरीबाट लक्ष्मीपुर र जितपुरको बाटो भएर परासीसम्म पुर्याउने गरेका स्थानीयहरुले बताउने गरेका छन । पटक पटक सामाजिक संजालमार्फत जानकारी गराउदा पनि सम्बन्धि निकायको ध्यान पुगेको छैन । यसबारेमा सम्बन्धित निकायको ध्यान जाओस ।