Opens in a new tab

कपिलवस्तुमा भारतबाट अवैध रूपमा ल्याइएका १० कार्टुन ब्रोइलर कुखुराका चल्ला नष्ट

नन्द किशोर कुर्मी (लालु)

18.4KShares

सारांश

  • कपिलवस्तुको विजयनगर गाउँपालिकाबाट भारततर्फबाट अवैध रूपमा नेपाल ल्याइएको १० कार्टुन ब्रोइलर कुखुराका चल्ला प्रहरीले बरामद गरेको छ।
  • भारतीय नम्बर प्लेटको मोटरसाइकलमा लोड गरिएका ती चल्लाहरूलाई स्थानीय जनप्रतिनिधि र पशु क्वारेन्टाइन प्रतिनिधिको रोहबरमा नष्ट गरिएको छ।
  • अवैध रूपमा पशुपन्छी भित्र्याउँदा स्वास्थ्यमा पर्न सक्ने जोखिमलाई मध्यनजर गर्दै सीमा क्षेत्रमा सुरक्षा जाँच कडा पारिएको छ।
dida bag ad

कपिलवस्तु । कपिलवस्तुको विजयनगर गाउँपालिका–६ छुटपाटी क्षेत्रमा भारतबाट अवैध रूपमा नेपाल भित्र्याइएका १० कार्टुन ब्रोइलर कुखुराका चल्ला प्रहरीले बरामद गरी नष्ट गरेको छ।

प्राप्त विवरणअनुसार, २०८३ असोज ३० गते बिहान करिब ४ बजे इलाका प्रहरी कार्यालय गणेशपुर र प्रहरी चौकी खडैचाबाट खटिएको संयुक्त प्रहरी गस्ती टोलीले चेकजाँचका क्रममा भारतीय मोटरसाइकलमा लोड गरी ल्याइँदै गरेका कुखुराका चल्ला फेला पारेको थियो।

IMG 20261016 WA0002
भारतीय नम्बर प्लेटको मोटरसाइकल (UP 55 AA 1572) मा लोड गरी नेपालतर्फ ल्याइँदै गरेका चल्ला प्रहरीले नियन्त्रणमा लिएको थियो। बरामद चल्ला तथा मोटरसाइकलसहितको सामग्री आवश्यक कानुनी प्रक्रिया पूरा गरी स्थानीय जनप्रतिनिधि तथा पशु क्वारेन्टाइन प्रतिनिधिको रोहबरमा नष्ट गरिएको विवरणमा उल्लेख छ।

भारतबाट अवैध रूपमा पशुपन्छी तथा पशुजन्य वस्तु भित्र्याउँदा पशु स्वास्थ्यमा जोखिम बढ्न सक्ने भएकाले सीमावर्ती क्षेत्रमा निगरानी र चेकजाँचलाई थप प्रभावकारी बनाउनुपर्ने देखिन्छ