कपिलवस्तुको गणेशपुर प्रहरीले १ लाख मुल्य बराबर कुखुराको चल्ला नियन्त्रणमा लिई नष्ट

कपिलवस्तु । भारतबाट अवैधरुपमा नेपाल भित्र्याइएका १ लाख मुल्य बराबर कुखुराका चल्ला आज प्रहरीले नियन्त्रणमा लिई नष्ट गरेका छन् । प्रहरीले ठूलो सङ्ख्यामा प्रतिबन्धित भारतीय कुखुराको चल्ला नियन्त्रणमा लिएको हो।

इलाका प्रहरी कार्यालय गणेशपुर प्रहरी टोली बेदमउ गाउँ राति २ बजे १ लाख मुल्य बराबर भारतीय चल्ला र बाइक नियन्त्रणमा लिएको हो । सीमावर्ती भारतीय अवैधरूपमा तस्करले प्रतिबन्धित भारतीय कुखुराका चल्ला भित्र्याइरहेको विशेष सूचनाको आधारमा उक्त चल्ला नियन्त्रणमा लिएको इलाका प्रहरी कार्यालय गणेशपुरले जनाएको छ।

नियन्त्रणमा लिइएका चल्ला गणेशपुर प्रहरी कार्यालयले नष्ट गरेको जनाएको छ। चल्ला तस्कर भने प्रहरी गस्ती टोलीलाई देख्नासाथ चल्ला छोडेर भाग्न सफल भएको प्रहरीले बताए।