नवलपरासीमा आज बिहान भएको बस दुर्घटनामा ५ जना घाईते

नवलपरासी । पश्चिम नवलपरासीको बर्दघाट नगरपालिका- ४ यस मोड नजिकै पुर्ब पश्चिम राजमार्गमा काठमाण्डौबाट धनगढी तर्फ आउदै गरेको सु.प्र.०१-००१ख २३३० नम्बरको बस दुर्घटना भएको छ । दुर्घटनमा ५ जना घाईते भएका छन ।

दुर्घटनामा दार्चुला मालिकार्जुन गा.पा. २ बस्ने बर्ष ५२ को पुष्कर सिंह धामी, आछाम जिल्ला साफेबगर न.पा. ५ बर्ष २६ की मौसमी ओढ, जिल्ला दार्चुला मार्मा गा.पा.३ बस्ने बर्ष ३० को भग्वती अबस्ती, जिल्ला कैलाली लम्कीचुहा न.पा.-८ बस्ने बर्ष २९ की निर्मला खड्का र जिल्ला दार्चुला मार्मा गा.पा.३ बस्ने बर्ष ४८ को धनन्जय जोशी घाईते भएका छन । उनीहरुको अवस्था सामन्य रहेका छन । घाईतेहरुलाई उपचारको लागी बर्दघाट नगर अस्पताल चिसापानिमा पठाईएको जिल्ला प्रहरी कार्यालय नवलपरासीले जनाएको छ ।

दुर्घटना बस अचानक अनियन्त्रित भई बाटोमै पल्टिन जादा दुर्घटना भएको प्रहरीले जनाएका छन । बसमा सवार अं.४०/४५ जना रहेको प्रहरीले जनाएको छ । हाल बस घटनास्थलमा नै रहेको र बाटो पुर्ण रुपमा सुचारी रहेको प्रहरीले जनाएको छ ।