ग्रेट वालमा यस यामकाे पहिलो हिमपात

एजेन्सी


चीन । उत्तरी चीनमा चलेको चिसो हावाको लहरले व्यापक तापक्रम गिरावट ल्याएपछि तियानजिनको जिझोउ जिल्लामा अवस्थित विश्वप्रसिद्ध ग्रेट वालमा यस जाडो मौसमको पहिलो हिमपात भएको छ ।हिउँले ढाकिएको ग्रेट वालको दृश्य अत्यन्त मनमोहक बनेको छ । जसले पर्यटकहरूलाई जाडोको सुन्दरतामा रम्ने अवसर प्रदान गरेको छ । चीनको मौसम विभागकाअनुसार हालैको चिसो लहरले उत्तरी क्षेत्रमा तापक्रमलाई ह्वात्तै घटाएको छ ।
यसले गर्दा जिझोउ जिल्लास्थित हुआंग्यागुआन खण्डको ग्रेट वाल सेतो हिउँको पत्रले ढाकिएको छ । यो दृश्यले ग्रेट वालको ऐतिहासिक भव्यतालाई थप आकर्षक बनाएको छ । जाडोमा हिउँ परेको ग्रेट वाल हेर्न विश्वभरका पर्यटकहरू आकर्षित हुने गरेका छन् ।
हिउँले ढाकिएका अग्ला टावरहरू र घुमाउरो पर्खालहरूले परी कथाजस्तो वातावरण सिर्जना गर्छ । यद्यपि चिसो र हिउँले बाटो चिप्लो बनाउने भएकाले पर्यटकहरूलाई सावधानी अपनाउन सल्लाह दिइएको छ ।
गत वर्षहरूमा पनि जिझोउ क्षेत्रमा जाडोको शुरुवातमै हिउँ पर्ने गरेको छ । जसले स्थानीय पर्यटनलाई बढावा दिन्छ । यस वर्षको पहिलो हिमपातले जाडो पर्यटन सिजनको शुभारम्भ गरेको छ ।

नाटो सदस्यता पाउन डोनबास छाड्नुपर्ने अमेरिकी प्रस्तावले जेलेन्स्की आश्चर्यचकित

आज छठको मुख्य दिन, सिरहाका पोखरीदेखि नदीसम्म सिँगारिए घाट, अस्ताउँदो सूर्यलाई अर्घ्य दिँदै व्रतालु

स्पेसएक्सको १५औँ परीक्षण उडान सफल, प्रक्षेपणस्थलमा पहिलोपटक सुरक्षित अवतरण

इटालीको डोलोमाइट्स पर्वतमा भेटियो हिमयुगीन भालुको विशाल चिहान

मौलिक चाडपर्वको संरक्षण र संवर्द्धन सबैको साझा दायित्व : मुख्यमन्त्री कार्की
अरुपनि पढ्नुहोस
सबै
सभापति लामिछानेद्वारा मधेसका मठमन्दिरमा पूजार्चना

अस्ट्रेलियामा दुई छुट्टाछुट्टै सवारी दुर्घटना, चार जनाको मृत्यु, तीन घाइते

रिजाललाई मदनदास श्रेष्ठ उत्कृष्ट पत्रकारिता सम्मान

बक्स अफिसमा ‘रामायण’को दबदबा कायमै, विश्वभर कमाइ १२०० करोड
















