त्रिभुवन विमानस्थलबाट भारतीय नागरिक पेस्तोलसहित पक्राउ

काठमाडौं । त्रिभुवन अन्तर्राष्ट्रिय विमानस्थलबाट पेस्तोलसहित एक भारतीय नागरिक पक्राउ परेका छन् । काठमाडौंबाट बंगलादेशको ढाका जाँदै गरेका भारतीय नागरिक ४४ वर्षीय मोहम्मद निजामुद्दिनलाई पेस्तोलसहित विमानस्थल प्रहरीले पक्राउ गरेको हो ।

उनी आज अपरान्ह काठमाडौं हुँदै बंगलादेश जाँदै थिए । उनी हिमालयन एयरलाइन्सको उडानबाट बिहीबार दिउँसो बंगलादेश जाँदै दिए । उनीबाट बरामद हतियारको परीक्षण गरी थप अनुसन्धान अघि बढाइएको प्रहरीले जनाएको छ । प्रहरीले उनीमाथि थप अनुसन्धान गरिरहेको जनाएको छ ।