नवलपरासीबाट भन्सार छलीका विभिन्न सामान नियन्त्रणमा

नवलपुर टुडे

1.6KShares

सारांश

पश्चिम नवलपरासीका विभिन्न स्थानमा गरिएको चेकजाँचका क्रममा भन्सार छली चोरी तस्करी गरी ल्याइएका सामानहरू प्रहरीले नियन्त्रणमा लिएको छ।
नियन्त्रणमा लिइएका सामानहरूमा सालको काठको चौकोष, कपडा, पटका, ब्रोइलर कुखुरा, रंगोली, टिनको ड्रम र किराना सामान रहेका छन्।
प्रहरीले बरामद गरेका ती सामानहरूको अन्दाजी मूल्य ९ लाख २ हजार ८ सय १० रुपैयाँ रहेको र आवश्यक कारबाहीका लागि सम्बन्धित निकायमा पठाइएको छ।

परासी । पश्चिम नवलपरासीबाट भन्सार छली चोरी तस्करी गरी ल्याएका विभिन्न किसिममा सामान प्रहरीले नियन्त्रणमा लिएका छन । नियन्त्रणमा लिएका सामान विभिन्न मितिमा जिल्लाका विभिन्न स्थानमा चेकजाँचका क्रममा नियन्त्रणमा लिएका हुन ।

नियन्त्रणमा लिएका सामान सालका काठको झ्याल ढोकाको तयारी चौकोष, विभिन्न किसिमका कपडा, विभिन्न किसिमका पटका, जिउँदो बोईलर कुखुरा १०३ वटा, रंगोलीका सामान, ४६६ थान, टिनको ड्रम १० थान र विभिन्न किसिमका फुटकर किरानाका सामान रहेका छन । सो सम्पुर्ण सामानका अन्दाजी मूल्य रु.९,०२,८१०/-(नौ लाख दुई हजार आठ सय दश) रुपियाँ बराबरको रहेका जिल्ला प्रहरी कार्यालयका सुचना अधिकारी एवम प्रहरी नायव उपरीक्षक मदन थापाले नवलपुर टुडेलाई जानकारी दिएको छ ।

नियन्त्रणमा लिएका सामान आवश्यक कारबाहीका लागि सम्बन्धित निकायमा पठाएको थापाले बताए ।