स्थानीय तहमा शान्ति सुरक्षा, अपराध नियन्त्रण तथा सार्वजनिक सेवा प्रवाहसम्बन्धी नागरिक सुनुवाइ कार्यक्रम सम्पन्न

कपिलवस्तु । कपिलवस्तुको विजयनगर गाउँपालिका वडा नं. १, नेउलागञ्जमा स्थानीय तहमा शान्ति सुरक्षा, अपराध नियन्त्रण तथा सार्वजनिक सेवा प्रवाहसम्बन्धी नागरिक सुनुवाइ कार्यक्रम सम्पन्न भएको छ।

‘सुशासनको आधार : प्रभावकारी सेवा प्रवाह र नागरिक सहभागिता’ भन्ने मूल नाराका साथ जिल्ला प्रहरी कार्यालय कपिलवस्तुको आयोजनामा तथा जिल्ला प्रशासन कार्यालय कपिलवस्तु र विजयनगर गाउँपालिकाको समन्वयमा कार्यक्रम आयोजना गरिएको हो।

कार्यक्रममा जिल्ला प्रहरी कार्यालय कपिलवस्तुका प्रमुख प्रहरी उपरीक्षक मनोहर प्रसाद भट्ट र जिल्ला प्रशासन कार्यालय कपिलवस्तुका प्रमुख जिल्ला अधिकारी तोयनारायण सुवेदीको उपस्थिति रहेको थियो।

कार्यक्रममा स्थानीय शान्ति सुरक्षा, अपराध नियन्त्रण, प्रहरीको सेवा प्रवाह तथा नागरिकका समस्या र गुनासाका विषयमा छलफल गरिएको थियो।

नागरिकका गुनासा तथा सुझाव प्रत्यक्ष रूपमा सुन्दै सुरक्षा निकाय र स्थानीय नागरिकबीचको सम्बन्धलाई थप सुमधुर बनाउने उद्देश्यले कार्यक्रम आयोजना गरिएको हो।