समाजसेवी थापाद्धारा विद्यार्थीलाई साइकल र शैक्षिक सामग्री सहयोग

कालिका । समाजसेवी तथा युवा नेता रमेश जंग थापाले कालिका नगरपालिकास्थित शमिपुर माध्यमिक विद्यालयमा अध्ययनरत विद्यार्थीहरुलाई साइकल र शैक्षिक सामग्री सहयोग गर्नुभएको छ ।

कालिका ६ निवासी थापाले विद्यालयका चार जना विद्यार्थीलाई चार थान साइकल र शैक्षिक सामग्री सहयोग गर्नुभएको हो । माध्यमिक शिक्षा परीक्षामा कालिका नगर प्रथम र द्धितिय हुन सफल विद्यार्थीलाई साइकल सहयोग गरिएको थापाले बताउनुभयो ।

यस्तै थापाले २०७९ को माध्यमिक शिक्षा परीक्षामा उच्च अंक ल्याउने थप दुई जनालाई दुई थान साइकल र १५ हजार रुपैयाँ बराबरको शैक्षिक सामग्री पनि सहयोग गर्नुभएको छ । विद्यार्थीलाई अध्ययनमा थप लगनशिल बनाउने उद्धेश्यले सहयोग गरिएको थापाको भनाइ थियो । थापाले लामो समयदेखि समाजमा यसरी नै सहयोग गर्दै आउनुभएको छ ।