नवलपुरमा स्कुटर दुर्घटना, एक जना घाईते

कावासोती, साउन २८ । नवलपुरमा स्कुटर दुर्घटना हुदा एक जना घाईते भएको छ । दुर्घटनामा परी कावासोती नगरपालिका- ३ आदर्शटोल बस्ने बर्ष ४२ को श्रीराम थापा रहेको प्रहरीले जानकारी दिएको छ ।

प्रहरीका अनुसार आज बिहान ८:३० बजेको समयमा कावासोती नगरपालिका- ८ खरकट्टा जंगलस्थित पूर्व-पश्चिम राजमार्गमा दलदलेबाट कावासोती तर्फ आउँदै गरेको बा.प्र.०३-०३ प ७५४९ नम्बरको स्कुटर चालकले नियन्त्रण गुमाई बिजुलीको पोलमा ठक्कर खाँदा दुर्घटना भई चलाक घाईते भएका हुन ।

उनको ततकाल नवलपुर अस्पताल कावासोतीमा सामान्य उपचार पछि नयाँ मेडिकल कलेज भरतपुर चितवन पठाएको जिल्ला प्रहरी कार्यालय नवलपुरका सुचना अधिकारी बेद बहादुए पौडेलले जानकारी दिए ।

घाईतेको बाँया खुट्टामा चोट, अवस्था मध्यम रहेको छ भने, सवारी साधान जिल्ला प्रहरी कार्यालयको नियन्त्रणमा रहेको छ । अन्य थप अनुसन्धान कार्य भइरहेको पौडेलले बताए ।