बुटवलमा सवारी दुर्घटना हुँदा १ जनाको मृत्यु, २ जना घाइते

सोमबार बिहान ४:५५ मा पूर्वबाट पश्चिमतर्फ जाँदै गरेको लु १९ प ८८७५ नम्बरको मोटरसाइकल र उत्तरतिरबाट पश्चिमतर्फ नै जाँदै गरेको लु ८५ प ३३१३ नम्बरको स्कुटर बेलबास चोकमा एकआपसमा ठोक्किएका थिए ।

दुर्घटनाबाट गम्भीर घाइते भएका स्कुटरका चालक पाठकको उपचारको क्रममा लुम्बिनी प्रादेशिक अस्पताल बुटवलमा बिहान ५:२५ मा मृत्यु भएको प्रहरी प्रमुख पण्डितले बताए ।

त्यस्तै दुर्घटनामा परी अंकित पाठककी ४२ वर्षीया आमा गौमुखी पाठक गम्भीर घाइते भएकी छन्। उनको आइसीयुमा उपचार भइरहेको छ । साथै मोटरसाइकलका चालक कपिलवस्तुको वाणगंगा-४ का १८ वर्षीय सागर थारु समेत घाइते रहेकाले उनको पनि उपचार भइरहेको छ