नेपाल विद्युत् प्राधिकरण ८२ अर्ब नाफामा

नवलपुर टुडे

२०८१ साउन २५ | मध्यान्ह ०३:०४ बजे

पत्रकार सम्मेलनमा विद्युत् प्रधिकरणका प्रबन्ध निर्देशक कुलमान घिसिङ। तस्बिर: रासस

काठमाडौँ, श्रावण २५ । नेपाल विद्युत् प्राधिकरण ८ वर्षमा ८२ अर्ब रूपैयाँ नाफामा गएको छ। दोस्रो कार्यकालका लागि प्राधिकरणको कार्यकारी निर्देशकको रूपमा नियुक्त भएको तीन वर्ष पुरा भएको अवसरमा शुक्रबार पत्रकार सम्मेलन गर्दै कुलमान घिसिङले प्राधिकरण ८२ अर्ब रूपैयाँ नाफामा भएको जानकारी दिएका हुन्।

उनले भने, ‘८ वर्षअघि करिब ३४ अर्ब ६१ करोड सञ्चित घाटामा रहेको विद्युत् प्राधिकरण अहिले ४७ अर्ब ४१ करोड सञ्चित नाफामा गएको छ। समग्रमा यतिबेला विद्युत् प्राधिकरण ८२ अर्ब रुपैयाँ नाफा देखिन्छ।’ यसमा विद्युत् महसुल वृद्धि गरेर र कुनै डेडिकेटेड र ट्रंक लाइनको बिल भने नजोडिएको उनले बताए।