माओवादी स्थायी कमिटी बैठक बस्दै, पदाधिकारी टुंग्याउने

काठमाडौं । नेकपा माओवादी केन्द्रको स्थायी कमिटीको बैठक आज पनि बस्दैछ । बैठक पार्टी मुख्यालय पेरिसडाँडामा दिउँसोको १ बजे बस्नेछ ।

आज बस्ने बैठकले अध्यक्ष पुष्पकमल दाहाल प्रचण्डले पार्टीको पदाधिकारी चयन गर्ने भएका छन् । हिजो बसेको बैठकले ‘पदाधिकारीको विषयमा छलफल भएपनि पदाधिकारीको विषय अहिलेसम्म मूर्तरूपले टुंगिएको थिएन । अध्यक्ष पुष्पकमल दाहाल ‘प्रचण्ड’को कार्यव्यस्तताले हिजो टुंग्याउन नसकिएको प्रवक्ता कृष्णबहादुर महरा भनाइ थियो ।

पटकपटक पदाधिकारी टुंग्याउने भनिएपनि अहिलेसम्मका बैठकले ठोस निर्णय गर्न सकेको छैन । यसअघि बुधबार बसेको पार्टी बैठकले पदाधिकारीबाहेकका सबै समिति टुङ्गो लगाइसकेको छ । खासगरी महासचिवको विषयले कारण माओवादीमा पदाधिकारी चयन पेचिलो बनेको छ ।