Opens in a new tab

पूर्वाधार विकास मन्त्रालयले सेवाबाट हटायो ७ इन्जिनियर, यस्तो छ कारण

नवलपुर टुडे

399Shares

सारांश

  • पूर्वाधार विकास मन्त्रालयले विनाजानकारी कार्यालयमा अनुपस्थित भएका र स्वीकृतिबिना बिदामा बसेका ७ जना इन्जिनियरलाई सरकारी सेवाबाट हटाएको छ।
  • कारवाहीमा पर्नेहरूमा पुजन न्यौपाने, सृष्टि भुषाल, सम्योग श्रेष्ठ, आस्था आचार्य, नरेश थापा, रमेश प्रसाद पौडेल र पदमेन्द्र प्रसाद श्रेष्ठ रहेका छन्।
  • मन्त्रालयको गत कात्तिक २० गतेको निर्णयअनुसार उनीहरूलाई भविष्यमा सरकारी सेवाका लागि अयोग्य नठहरिने गरी सेवाबाट हटाइएको हो।
dida bag ad

काठमाडौँ । पूर्वाधार विकास मन्त्रालयले ७ जना इन्जिनियरलाई सरकारी सेवाबाट हटाएको छ। मन्त्रालयले कार्यालयमा अनुपस्थित भएको तथा स्वीकृतिबिना बिदामा बसेको कसुरमा उनीहरूलाई सेवाबाट हटाएको हो।

सेवाबाट हटाइएकामध्ये ६ जना कार्यालयमा हाजिर नभएको र एकजना स्वीकृत नगराई बिदामा बसेको कसुरमा कारबाहीमा परेका आज सार्वजनिक सूचनामा उल्लेख छ।

कार्यालयमा हाजिर नभएको कसुरमा सेवाबाट हटाइएकामा पुजन न्यौपाने, सृष्टि भुषाल, सम्योग श्रेष्ठ, आस्था आचार्य, नरेश थापा र रमेश प्रसाद पौडेल र स्वीकृत नगराई बिदामा बसेको कसुरमा पदमेन्द्र प्रसाद श्रेष्ठ रहेका छन्।

सूचना अनुसार गत कात्तिक २० गतेको निर्णयअनुसार भविष्यमा सेवाको निमित्त अयोग्य नठहरिने गरी उनीहरूलाई सेवाबाट हटाइएको छ।

sewa