एनपिएलका लागि क्यानले तोक्यो टिकट मूल्य

काठमाडौँ । नेपाल क्रिकेट संघ (क्यान)ले नेपाल प्रिमियर लिग (एनपिएल)को तेस्रो संस्करणका खेलहरूको टिकट मूल्य निर्धारण गरेको छ। क्यानका अनुसार लिग चरणका खेलका लागि साधारणतर्फको टिकटको मूल्य ५०० रुपैयाँ र प्रिमियम टिकटको मूल्य एक हजार रुपैयाँ तोकिएको छ।

त्यस्तै, इलिमिनेटर तथा फाइनल खेलका लागि साधारण टिकटको मूल्य एक हजार रुपैयाँ र प्रिमियम टिकटको मूल्य दुई हजार रुपैयाँ निर्धारण गरिएको छ।

क्यानका अनुसार एनपिएलका टिकटहरू आज साँझ ८ बजेदेखि इसेवामार्फत खरिद गर्न सकिनेछ। तेस्रो संस्करणको सिद्धार्थ बैंक नेपाल प्रिमियर लिग आगामी अक्टोबर २६ देखि नोभेम्बर २१ सम्म काठमाडौँको कीर्तिपुरस्थित त्रिवि क्रिकेट मैदानमा सञ्चालन हुनेछ।