सप्तरी र सिरहाबाट ७० हजार बराबरको पटका बरामद

जनकपुरधाम । सप्तरीबाट प्रहरीले २० हजार बराबरको पटका बरामद गरेको छ । राजविराज नगरपालिका वडा नम्बर ७ भुतनाथ मन्दिर छेउबाट पटका बरामद गरिएको हो ।

पटक लुकाई राखेको सूचनाको आधार खानतलासी गर्दा प्रतिबन्धित पटका फेला परेको जिल्ला प्रहरी कार्यालय सप्तरीले जनाएको छ ।
प्रहरीका अनुसार स्पेनर ३ प्याकेट,कोराएर १२ प्याकेट,फूलझारी ठूलो १ प्याकेट,ड्रोन २ प्याकेट,सोर्वज ६ प्याकेट, ब्याक सेर्पेन्टर्स २ प्याकेट, रेड स्पाकेयस्र्स १५ प्याकेट,कुक्को २ प्याकेट,१५ सुट्स १० पीस गरि ४४ प्याकेट १० पिस बरामद गरिएको छ ।

बरामद पटका जिल्ला प्रहरी कार्यालय सप्तरीमा राखी आवश्यक कारबाही र अनुसन्धान भइरहेको सप्तरीका प्रहरीका प्रबक्ता हेमराज घिमिरेले जानकारी दिए । बरामद पटकाको मूल्य २० हजार बराबर रहेको अनुमान गरिएको छ ।

यस्तै सिरहाको सुखिपुर नगरपालिका वडा नम्बर २ बाट ३५ बण्डल नागिन पटका बरामद गरेको छ । ईलाका प्रहरी कायाृलय महेशपुरपतार सिरहाबाट खटिएको प्रहरी टोलिले उक्त मटका बरामद गरेको हो । मोटरसाइकलमा भारतबाट बोरामा नेपाल ल्याउँदै गर्दा प्रहरी टोलिलाई देखेपछि बारो बालेर तस्कर फरार भएको प्रहरीको भनाई छ ।

बरामद गभएको पटका ५० हजार बराबरको रहेको जिल्ला प्रहरी कार्यालय सिरहाका प्रवक्ता रमेश बहादुर पालले जानकारी दिए ।