त्रिनेत्र माविमा सरसफाइ सप्ताह सुरु

नन्द किशोर कुर्मी (लालु)

3.1KShares

सारांश

विजयनगर गाउँपालिकाको शिक्षा शाखाको सूचनाअनुसार विद्यालयमा गठित बाल क्लबको अगुवाइमा कपिलवस्तुमा सरसफाइ सप्ताह सुरु गरिएको छ।
पहिलो दिन मधुनगरस्थित श्री त्रिनेत्र माध्यमिक विद्यालय परिसरमा विद्यार्थीहरूको सहभागितामा सरसफाइ गरी स्वच्छ वातावरणको सन्देश दिइएको छ।
विद्यार्थीहरूलाई सरसफाइ, स्वच्छता र वातावरण संरक्षणप्रति सचेत गराउन सप्ताहभरि विभिन्न गतिविधिहरू सञ्चालन गरिनेछन्।

कपिलवस्तु । प्रधानमन्त्री तथा मन्त्रिपरिषद्को कार्यालयको योजना तथा विजयनगर गाउँपालिका शिक्षा शाखाको सूचनाअनुसार विद्यालयमा गठित श्री सरस्वती बाल क्लबको अगुवाइमा सरसफाइ सप्ताह सुरु गरिएको छ।

सरसफाइ सप्ताहअन्तर्गत पहिलो दिन विजयनगर गाउँपालिका–७, मधुनगरस्थित श्री त्रिनेत्र माध्यमिक विद्यालय परिसरमा सरसफाइ कार्यक्रम गरिएको हो। बाल क्लबका पदाधिकारी तथा विद्यार्थीहरूको सहभागितामा विद्यालय परिसर सरसफाइ गरी स्वच्छ र सफा वातावरण निर्माणको सन्देश दिइएको छ।