कक्षा ८ पूरा गर्न नसकेका १३७ बालबालिकालाई वैकल्पिक शिक्षा

झापा। कनकाई नगरपालिकाले कक्षा ८ पूरा गर्न नसकेका तथा विद्यालय बाहिर रहेका १२५ जना बालबालिकालाई लक्षित गर्दै वैकल्पिक कक्षा सञ्चालन गर्ने भएको छ।

२०६३ असोज २ गतेपछि जन्मिएका र आधारभूत तह कक्षा ८ उत्तीर्ण गर्न नसकेका बालबालिकालाई अनिवार्य आधारभूत शिक्षा पूरा गराउने उद्देश्यले वैकल्पिक कक्षा सञ्चालन गर्न लागिएको हो।

वडा नम्बर ६ मा २९, वडा नम्बर ४ मा १९, वडा नम्बर २ मा १७, वडा नम्बर ५ मा १७, वडा नम्बर ३ मा १६, वडा नम्बर ९ मा १४, वडा नम्बर ८ मा १०, वडा नम्बर १ मा आठ र वडा नम्बर ७ मा सात जना गरी कुल १३७ बालबालिका कक्षा ८ पूरा नगरी विद्यालय बाहिर रहेका नगरपालिकाका प्रमुख प्रशासकीय अधिकृत नारायण न्यौपानेले राससलाई बताए।