दुई हप्ताभित्र इरानमाथि पूर्ण विजयको घोषणा हुने ट्रम्पको दाबी

वाशिङटन डीसी । अमेरिकाले इरानमाथि चाँडै पूर्ण विजय घोषणा गर्ने अमेरिकी राष्ट्रपति डोनाल्ड ट्रम्पले बताएका छन् । उनले यो घोषणा आगामी दुई हप्ताभित्र हुन सक्ने दाबी गरेका हुन् ।

ट्रम्पले यो टिप्पणी आफ्ना निकट सहयोगी सिनेटर लिन्डसे ग्राहमको समर्थनमा गरिएको एक टेलीर्‍यालीमा गरेका हुन् । ‘हामी एकदमै कडा टिम हौँ, र मलाई लाग्छ हामी यो लडाइँ जित्दैछौं, तर वास्तविक जित तपाईंले आगामी दुई हप्ताभित्र देख्नुहुनेछ, जब हामी पूर्ण विजयको घोषणा गर्नेछौ,’ उनले भने ।

सोमबार नै इरानले इजरायलमाथिको आक्रमण रोक्ने घोषणा गरेको थियो, तर लेबनानमा इजरायली सैन्य गतिविधि जारी रहे कडा प्रतिक्रिया दिने चेतावनी पनि दिएको थियो ।