पूर्वमन्त्री तथा कांग्रेस नेता दीपक खड्का पक्राउ

काठमाडौं । पूर्वमन्त्री तथा कांग्रेस नेता दीपक खड्का पक्राउ परेका छन् । उनलाई नेपाल प्रहरीको केन्द्रीय अनुसन्धान ब्यूरो (सीआईबी)ले पक्राउ गरेको हो ।

भदौ २४ मा उनको निवासमा आगजनी गर्दा नेपालीसहित कैयौँ विदेशी मुद्रा फेला पारेको थियो भने उनीमाथि स्काउटको जग्गा हिनामिना गरेको आरोप पनि छ ।  

सीआईबी प्रमुख एआईजी मनोज केसीले बाह्रखरीसँग संक्षिप्त कुरा गर्दै खड्का पक्राउ परेको पुष्टि गरे ।