शीतलहरबाट नगरबासीलाई जोगाउन गरुडा नगरपालिकाद्वारा दाउरा वितरण

अशोक यादव


रौतहट । रौतहटमा लगातार एक सातादेखि बाक्लो हुस्सु र कुहिरोसँगै चिसो स्याँठ बढ्दै गएपछि गरुडा नगरपालिकाले नगरबासीलाई लक्षित गर्दै दाउरा वितरण कार्यक्रम सञ्चालन गरेको छ ।
गरुडा नगरपालिकाका नगर प्रमुख कन्थमनी प्रसाद जैसवालले कठ्याङ्ग्रिने चिसोबाट नगरबासीलाई जोगाउने उद्देश्यले आगो ताप्न आवश्यक दाउरा वितरण गर्नु भएको हो । चिसोका कारण दैनिक जनजीवन प्रभावित बन्दै गएको अवस्थालाई मध्यनजर गर्दै नगर प्रमुख जैसवाल स्वयं उपस्थित भई नगरका प्रत्येक वडामा दाउरा वितरण गरिएको नवलपुर टुडेलाई जानकारी दिनुभयो ।
आज शनिबार बिहानैदेखि नगरका विभिन्न चौक–चौतारा, मठ–मन्दिर, प्रहरी चौकी तथा अन्य सार्वजनिक स्थलहरूमा आगो बाल्नका लागि काठ वितरण गरिएको उहाँले बताउनुभयो । अन्य धेरै पालिकाहरूले चिसो बढ्दासमेत दाउरा वितरण नगरेको अवस्थामा गरुडा नगरपालिकाले भने यो कार्यक्रम यसवर्ष मात्र होइन, विगतका वर्षहरूदेखि नै निरन्तर रूपमा सञ्चालन गर्दै आएको नगर प्रमुख जैसवालले उल्लेख गर्नुभयो ।
उहाँले बढ्दो चिसोका कारण कुनै पनि व्यक्ति समस्यामा नपरोस् भन्ने उद्देश्यले आवश्यकता अनुसार थप सामग्रीसमेत वितरण गरिने प्रतिबद्धता सञ्चारकर्मीसँग व्यक्त गर्नुभयो । नगरपालिकाको यस सराहनीय कार्यबाट नगरबासीहरू खुशी भएका छन् भने उनीहरूले नगर प्रमुख जैसवाललाई विशेष धन्यवादसमेत व्यक्त गरेका छन् ।

जलवायु सम्झौतामा १.५ डिग्रीको लक्ष्यलाई लिएर राष्ट्रहरूबिच मतभेद

एक महिनामा ४१ हजार बढी पर्यटकद्वारा अन्नपूर्ण क्षेत्रको भ्रमण

छठ पर्वले राष्ट्रिय एकता र सद्भाव बढाउँछ : प्रदेश प्रमुख भट्ट

नाटो सदस्यता पाउन डोनबास छाड्नुपर्ने अमेरिकी प्रस्तावले जेलेन्स्की आश्चर्यचकित

आज छठको मुख्य दिन, सिरहाका पोखरीदेखि नदीसम्म सिँगारिए घाट, अस्ताउँदो सूर्यलाई अर्घ्य दिँदै व्रतालु
अरुपनि पढ्नुहोस
सबै
स्पेसएक्सको १५औँ परीक्षण उडान सफल, प्रक्षेपणस्थलमा पहिलोपटक सुरक्षित अवतरण

इटालीको डोलोमाइट्स पर्वतमा भेटियो हिमयुगीन भालुको विशाल चिहान

मौलिक चाडपर्वको संरक्षण र संवर्द्धन सबैको साझा दायित्व : मुख्यमन्त्री कार्की

सभापति लामिछानेद्वारा मधेसका मठमन्दिरमा पूजार्चना
















