बागलुङमा करेन्ट लागेर १७ वर्षिय किशोरको मृत्यु

ढोरपाटन, वैशाख ५ । यहाँको बागलुङ नगरपालिका–४ ढोडेनीमा करेन्ट लाग्दा एकजनाको मृत्यु भएको छ । १७ वर्षीय शिव थापा मगरको आज साँझ ४ः३० बजे करेन्ट लागेर मृत्यु भएको हो ।

बारीमा घाँस काट्ने क्रममा रुखको हाँगाले ३३ हजार केभी प्रसारण लाइनको नाङ्गो तारमा छुँदा करेन्ट लागेर गम्भीर घाइते भएका थापालाई उपचारका लागि धौलागिरि अस्पताल पु¥याइएको थियो ।

अस्पताल ल्याएको केही समयमै डाक्टरले मृत घोषणा रहेको जिल्ला प्रहरी कार्यालयका प्रहरी नायब उपरीक्षक विजय यादवले जानकारी दिनुभयो । थापाको शवलाई शव परीक्षणका लागि अस्पतालमै राखिएको छ ।

घटनाबारे थप अनुसन्धान भइरहेको प्रनाउ यादवले बताउनुभयो ।