कुम्भ मेला गएका पत्रकार कोइराला ६ दिनदेखि भारतको अयोध्याबाट बेपत्ता

नवलपुर टुडे


बर्दिया । राजापुर नगरपालिका–६ का पत्रकार केशव कोइराला विगत ६ दिन देखि बेपत्ता भएका छन् । राजापुर एफएमका प्रमुख कोइराला माघ २६ गते देखि भारतको अयोध्याबाट बेपत्ता भएका हुन् ।
१ सय ४४ वर्षपछि लागेको प्रयागराज कुम्भ स्नान गर्न पत्रकार कोइराला माघ २४ गते घरबाट निस्किएको उनकी श्रीमती शोभा कोइरालाले बताइन् । ‘माघ २५ गते कुम्भ स्नान गरी फर्किदा बनारससम्म सम्पर्कमा हुनुहुन्थ्यो,’ शोभाले भनिन्,‘माघ २६ गते अयोध्याको राम मन्दिर दर्शन गर्ने क्रममा रातिबाट बेपत्ता भएको साथमा गएका साथीले जनाएका छन् ।’ उनको खोजतलास गर्दासमेत नभेटिएको साथमा गएका साथीले जवाफ दिएका छन् ।
बेपत्ता पत्रकारको खोजी गर्न प्रमुख जिल्ला अधिकारी रुद्रादेवी शर्मा र प्रहरी उपरीक्षक केदार खनालसँग कुरा गरेको नेपाल पत्रकार महासंघका अध्यक्ष निर्मल घिमिरेले बताए । ‘उहाँहरूले फागुन २ गते (भोली शुक्रबार) काउन्टर पार्टसँगको मिटिङमा कुरा गर्ने जनाउनु भएको छ,’अध्यक्ष घिमिरेले भने,‘थप खोजीको लागि बेपत्ता पत्रकार कोइरालाको श्रीमतीलाई भोली शुक्रबार गुलरिया बोलाएका छौँ ।’ परराष्ट्र मन्त्रालयबाट खोजी कार्यको लागि पहल गर्नेसमेत अध्यक्ष घिमिरेले जनाएका छन् ।

झापाको चिया उद्योगमा आगलागीबाट ३० लाखको क्षति

सन् २०२७ देखि पर्वतीय जलवायु कार्यक्रम सञ्चालन गर्न नेपालको प्रस्ताव

नमोबुद्ध जात्रा: करुणा र देहत्यागको बौद्ध मान्यता जोडिएको ऐतिहासिक मेला

हुलाकी सडकले फेरिएको राप्तीपारिको मुहार, आधा घण्टामै पुगिन्छ नेपालगञ्ज

राष्ट्र बैङ्कद्वारा विदेशी मुद्राको विनिमयदर निर्धारण
अरुपनि पढ्नुहोस
सबै

प्रेस स्वतन्त्रता र पत्रकारको श्रम अधिकारको माग गर्दै महासंघले गर्यो आन्दोलनको घोषणा

लुम्बिनीविरुद्ध सुदूरपश्चिमले प्रस्तुत गर्यो १०६ रनको सामान्य लक्ष्य

छठको मौलिकपनमा कमी आए पनि रौनक वृद्धि
















