बचतकर्ताको झण्डै एक अर्ब रकम हिनामिना गरेको आरोपमा कृषि विकास सहकारीका अध्यक्षसहित ४ जना पक्राउ

नवलपुर टुडे


काठमाडौं, असार २ । काठमाडौं उपत्यका अपराध अनुसन्धान कार्यालयले कृषि विकास बहुद्देश्यीय सहकारी संस्थाको अर्बौं रकम हिनामिना गरेको आरोपमा संस्थाका अध्यक्षसहित ४ जनालाई सार्वजनिक गरेको छ ।
साढे २ हजार बचतकर्ताको २ अर्ब ५० करोडभन्दा बढी रकम हिनामिनाको आरोपमा पक्राउ परेका अध्यक्ष तेजविक्रम थापा, संस्थाकी व्यवस्थापक सजना राजकर्णिकार तथा सदस्यहरू भीमसेन महर्जन र सञ्जय सापकोटालाई प्रहरीले आज सार्वजनिक गरेको हो ।
उनीहरूविरुद्ध ५६६ जना बचतकर्ताका तर्फबाट ६५ वटा जाहेरी परेको छ । जाहेरीमा उल्लेख भएको ठगी रकम ९४ करोड २३ लाख ४२ हजार रहेको काठमाडौं उपत्यका अपराध अनुसन्धान कार्यालयले जनाएको छ । संस्थामा कुल २ हजार ५३१ बचतकर्ताले २ अर्ब ५० करोड रुपैयाँ जम्मा गरेको देखिएको प्रहरीले जनाएको छ । आकर्षक ब्याज दिने र भनेको बेलामा उपलब्ध गराउने प्रलोभन देखाई रकम जम्मा गर्न लगाएर अपचलन गरेको भन्दै उनीहरूविरुद्ध जाहेरी परेको थियो ।
जिल्ला प्रहरी परिसर ललितपुरमा २०८० मंसिर १९ मा जाहेरी दर्ता भई अनुसन्धान शुरू भएकोमा माघमा जिल्ला अदालत ललितपुरले पक्राउको अनुमति दिएको थियो । त्यसयता फरार रहँदै आएका अध्यक्ष थापा तथा सञ्चालक समिति सदस्यहरूलाई २०८१ जेठ ३२ गते शुक्रबार विभिन्न स्थानबाट पक्राउ गरिएको प्रहरीले जनाएको छ ।
पक्राउ परेका थापा र राजकर्णिकार पति-पत्नी हुन् । थापाविरुद्ध बैंकिङ कसुरमा झण्डै पौने ३ करोडका ५ वटा मुद्दा समेत रहेको प्रहरीले जनाएको छ । दुईवटा मुद्दामा उनीमाथि कारबाही भएको छ भने ३ वटामा उनी फरार प्रतिवादी छन् । उनीहरूको साथबाट बा २५ च ४२९६ नम्बरको इको भ्यान, ६ थान मोबाइल, ३ थान पेन ड्राइभ, ३ थान हस्ताक्षरसहितको चेकलगायत सामग्री बरामद गरिएको अपराध अनुसन्धान कार्यालयले जनाएको छ ।

सडक पूर्वाधार निर्माणमा सेनाको महत्त्वपूर्ण योगदान छ : राष्ट्रपति

कोप–३१ मा फोर एच नेपालले उठायो हिमाली युवाका विषय

एससिओ कप चेसमा नेपालको औसत प्रदर्शन

टेन्ट टाँगेर आफ्नै थातथलो फर्किए टिमुरेका बाढीपीडित

ट्रम्प चीनमा अवतरण, सीले अँगालो हालेर गरे स्वागत
अरुपनि पढ्नुहोस
सबै
मन्त्री बादीद्वारा बालबालिकामाथि हुने हिंसा अन्त्यका लागि सात बुँदे प्रतिबद्धता प्रस्तुत

दूरसञ्चार सेवा प्रदायकलाई जरिवाना र ब्याज मिनाहाको सुविधा

विजयनगरमा सरसफाइ तथा महिनावारी स्वच्छतासम्बन्धी अन्तरक्रिया कार्यक्रम सम्पन्न

इन्टरनेट सेवा प्रदायकलाई दूरसञ्चार दस्तुरको हिसाब बुझाउन १० दिनको अल्टिमेटम
















