Opens in a new tab

कोप–३१ मा फोर एच नेपालले उठायो हिमाली युवाका विषय

नवलपुर टुडे

320Shares

सारांश

  • टर्किएको आन्ताल्यामा आयोजित कोप–३१ सम्मेलनमा ‘फोर एच नेपाल’ले आइओएमको सहयोगमा हिमाली क्षेत्रका युवा आप्रवासन तथा सांस्कृतिक क्षतिसम्बन्धी साइड इभेन्ट सम्पन्न गरेको छ।
  • संस्थापक अध्यक्ष लोकराज अवस्थीद्वारा प्रस्तुत कार्यपत्रमा जलवायु परिवर्तनका कारण हिमाली युवाहरूको पलायनसँगै उनीहरूको भविष्य, कला, संस्कृति र पहिचानसमेत सङ्कटमा परेको विषय उठाइएको छ।
  • कार्यशालामा नेपालका हिमाली तथा पहाडी क्षेत्रको जलवायु सङ्कट समाधानका लागि अन्तर्राष्ट्रिय समुदायले तत्काल पहल गर्नुपर्ने र सबै तहमा युवा सहभागिता सुनिश्चित गर्नुपर्ने जोड दिइएको छ।
dida bag ad

काठमाडौँ । टर्किएको आन्ताल्यामा आयोजना गरिएको जलवायु सम्बन्धी अन्तर्राष्ट्रिय सम्मेलन (कोप–३१) मा ‘फोर एच नेपाल’ ले अन्तर्राष्ट्रिय आप्रवासन संगठन (आइओएम) को सहयोगमा आज साइड इभेन्ट सम्पन्न गरेको छ ।

‘हिमाली क्षेत्रका युवा आप्रवासन तथा सांस्कृति क्षति : जलवायु परिवर्तन तथा समाधानका उपाय’ विषयक कार्यशाला आइओएम पेभिलियन अन्तरगत ब्लु जोनमा आयोजना गरिएको थियो ।

कोप कार्यशालामा फोर एच नेपालका संस्थापक अध्यक्ष जलवायु विज्ञ लोकराज अवस्थीले कार्यपत्र प्रस्तुत गरेका थिए । कार्यपत्रमा कसरी हिमाली युवा सामूहिक रूपमा आप्रवासनका लागि बसाइसराई भइरहेका छन् भन्ने विषयलाई प्रमुखताका साथ उठाइएको छ ।

त्यस्तै युवा पलायन केवल आफ्नो समूदाय छोड्नु मात्र नभई युवासँग त्यहाँको भविश्य, कलासंस्कृति तथा पहिचानपनि पलायन भइरहेको विषय पनि कार्यपत्रमा समावेश छ ।

त्यस्तै नेपालमा जलवायु परिवर्तनको कारण विशेष गरी हिमाली तथा पहाडी क्षेत्रमा सङ्कट बढेको यसको समाधानका लागि अन्तरराष्ट्रिय समुदायले तत्काल पहल गर्नुपर्ने विषयमा जोड दिइएको छ ।

त्यसमा गाउँदेखि अन्तर्राष्ट्रियस्तरसम्म युवाको सहभागिता सुनिश्चित गरिनु पर्नेमा समूहगत छलफलका सहभागीको भनाइ रह्यो । स्यान्टियागो नेटवर्क सचिवालयका जलवायु परिवर्तन तथा विपद् जोखिमसम्बन्धी विज्ञ लोरेन्जो ग्वाडाग्नोले नेपालमा भइरहेका पछिल्ला जलवायु परिवर्तनको प्रभावबारे आफू निकै चिन्तित रहेको बताए ।

जलवायु परिवर्तन एवं मानवसुरक्षासम्बन्धी अनुसन्धानकर्ता साबा नुरिनले हिन्दकुश हिमश्रृङ्खलामा भइरहेको जलवायु परिवर्तनले युवा र क्षेत्रका बासिन्दामा पारेको असरको बारेमा आफ्नो धारणा व्यक्त गरे  ।

उक्त कार्यक्रमको सहजीकरण युवा अभियन्ता सुस्मिता अधिकारीले गरेकी थिइन् । कार्यशालामा क्यानाडा, स्वीटजरल्याण्ड, ट्रकी, जापान, इटाली, बंगलादेश, नेपाल, पाकिस्तानलगायतका जलवायु विज्ञ तथा अभियान्ताको सहभागिता थियो ।