त्रिशुली नदीमा बेपत्ता भएका दुई बालकमध्ये एकको शव फेला

नवलपुर टुडे


काठमाडौँ, जेठ २७ । त्रिशुली नदीमा बेपत्ता भएका दुई बालकमध्ये एक जनाको शव भेटिएको छ ।
शनिबार अपराह्न ४ बजे धादिङको गजुरी गाउँपालिका वडा नम्बर ५ घाटबेशीबाट सोही ठाउँका १५ वर्षीय युनिक सुवेदी र १३ वर्षीय रिदम रोइला बेपत्ता भएका थिए । आइतबार दिउँसो सवा १ बजेतिर युनिक सुवेदीको शव फेला परेको सशस्त्र प्रहरी बलका सहप्रवक्ता शैलेन्द्र थापाले बताए ।
थापाका अनुसार नदी किनारमा उनीहरूको कपडा भेटिएको थियो । त्यो कपडा फेला परेको करिब १०/१५ मिटरनजिक करिब २० फिट गहिराइबाट युनिकको शव निकालिएको हो ।
गएराति साढे ११ बजे दुई बालक बेपत्ता भएको भन्दै सशस्त्र प्रहरीलाई खबर भएको थियो । त्यसपछि सशस्त्र प्रहरीको नेपाल विपद् व्यवस्थापन बेश आदमघाटबाट डिएसपी मदनकुमार रसाइलीको कमाण्डमा ७ जनाको टोली खटिएको थियो । तर फेला पार्न नसकेपछि मध्यराति फर्किएको टोलीले आइतबार बिहान पुन: खोजीकार्य सुरु गरेको थियो ।
बिहान ११ बजेसम्म पनि फेला नपरेपछि कुरिनटारस्थित शिक्षालयबाट सशस्त्र प्रहरी निरीक्षक धनकुमार अधिकारीको कमाण्डमा पाँच जना गोताखोर र दुई जना अन्य गरी सात जनाको टोली खटिएको थियो । सो टोलीले सवा १ बजे एक जना बालकको शव फेला पारी निकालेको हो । अर्को बालकको खोजी जारी रहेको जनाइएको छ ।

सडक पूर्वाधार निर्माणमा सेनाको महत्त्वपूर्ण योगदान छ : राष्ट्रपति

कोप–३१ मा फोर एच नेपालले उठायो हिमाली युवाका विषय

एससिओ कप चेसमा नेपालको औसत प्रदर्शन

टेन्ट टाँगेर आफ्नै थातथलो फर्किए टिमुरेका बाढीपीडित

ट्रम्प चीनमा अवतरण, सीले अँगालो हालेर गरे स्वागत
अरुपनि पढ्नुहोस
सबै
मन्त्री बादीद्वारा बालबालिकामाथि हुने हिंसा अन्त्यका लागि सात बुँदे प्रतिबद्धता प्रस्तुत

दूरसञ्चार सेवा प्रदायकलाई जरिवाना र ब्याज मिनाहाको सुविधा

विजयनगरमा सरसफाइ तथा महिनावारी स्वच्छतासम्बन्धी अन्तरक्रिया कार्यक्रम सम्पन्न

इन्टरनेट सेवा प्रदायकलाई दूरसञ्चार दस्तुरको हिसाब बुझाउन १० दिनको अल्टिमेटम
















