गौरको महतो हार्डवेयरमा भीषण आगलागि, ५० लाख बढीको क्षती

अशोक यादव


रौतहट, जेठ २६ । रौतहटको सदरमुकाम गौरमा रहेको एक हार्डवेयर पसलमा आगलागी भएको छ । गौर नगरपालिका – ५ हनुमान चोक स्थित रहेको महतो हार्डवेयरमा आगलागी हुँदा ५० लाख बढीको सामाग्री जलेर नस्ट भएको हो ।
शुक्रबार राती पौने १२ बजे आगलागी हुँदा हार्डवेयर गोदाममा रहेको रङ्ग, पेन्ट बनाउने मेसिन २ थान, ल्यापटेप २ थान, मोटर १६ थान, सिपिभिसी फिटिङ्ग, पिभिसी फिटिङ्ग लगायत पल्मबिङ्गका सामाग्री र सयौं थान रंग पेन्टका बाल्टिनसहित ५० लाख मुल्य भन्दा बढीको सामाग्री जलेर नष्ट भएको हो ।
यस्तै आगलागीबाट हार्डवेयरको अर्को गोदाम सहित हार्डवेयर पसल र संगै रहेको रामबाबू मोटरसाइकल वर्क सपमा आंशिक क्षती पुगेको हार्डवेयरको प्रोपराईटर बिरेन्द्र कुशवाहाले बताएका छन् ।
कुशवाहाले भने “हामी सुति सकेका थियौ, स्थानीयले होहल्ला गर्दा आगो लागेको थाह पाए । समयमै आएको गौर नगरपालिकाको दमकल र स्थानीयको सहयोगमा आगो नियन्त्रणमा लिन सफल भयौ नत्र भने भयङकर क्षति हुने रहेछ । पसलमा एक्कासि आगो लागी जल्न थालेपछि आगलागीले केही समय भिषणरुप लिएको थियो । विद्युत सर्ट भएर आगो लागेको जस्तो हाम्रो अनुमान छ, राती नै प्रहरी टोली आएको थियो । आज स्थलगत मुचुल्का उठाउने कार्यको लागि निवेदन दिएका छौ ।”
विद्युत सर्ट भएर आगलागी भएको हुनसक्ने अनुमान गरिएको भएपनि सो विषयमा अनुसन्धान र बुझ्ने कार्य भईरहेको जिल्ला प्रहरी कार्यालय रौतहटका प्रबक्ता एलिजा गिरीले बताइन् ।

सडक पूर्वाधार निर्माणमा सेनाको महत्त्वपूर्ण योगदान छ : राष्ट्रपति

कोप–३१ मा फोर एच नेपालले उठायो हिमाली युवाका विषय

एससिओ कप चेसमा नेपालको औसत प्रदर्शन

टेन्ट टाँगेर आफ्नै थातथलो फर्किए टिमुरेका बाढीपीडित

ट्रम्प चीनमा अवतरण, सीले अँगालो हालेर गरे स्वागत
अरुपनि पढ्नुहोस
सबै
मन्त्री बादीद्वारा बालबालिकामाथि हुने हिंसा अन्त्यका लागि सात बुँदे प्रतिबद्धता प्रस्तुत

दूरसञ्चार सेवा प्रदायकलाई जरिवाना र ब्याज मिनाहाको सुविधा

विजयनगरमा सरसफाइ तथा महिनावारी स्वच्छतासम्बन्धी अन्तरक्रिया कार्यक्रम सम्पन्न

इन्टरनेट सेवा प्रदायकलाई दूरसञ्चार दस्तुरको हिसाब बुझाउन १० दिनको अल्टिमेटम
















