नगरपालिकामा तोडफोड गरि नगर प्रहरीमाथि आक्रमण गरेको आरोपमा ६ जना विद्यार्थी पक्राउ

नवलपुर टुडे


मोरङ, जेठ २५ । मोरङको रंगेली नगरपालिकामा तोडफोड गरेको र नगर प्रहरीमाथि आक्रमण गरेको अभियोगमा प्रहरीले ६ जना विद्यार्थीलाई पक्राउ गरेको छ ।
पक्राउ पर्नेमा रंगेली–६ का २३ वर्षका दीपक यादव, २० वर्षका राहुल यादव, रुकुम यादव, रंगेली–७ का १८ वर्षीय रमणकुमार राय, रंगेली–८ का १९ वर्षीय विवेक झा र रंगेली–२ का मिलन मिश्र रहेका छन् ।
बिहीबार अपरान्ह पौने चार बजे नगरपालिका पुगेको उनीहरुको समूहले नगरपालिका तोडफोड गरेको, नगर प्रहरीमाथि आक्रमण गरेको आरोप छ ।उनीहरूलाई शुक्रबार पक्राउ गरिएको मोरङ प्रहरी प्रवक्ता डिएसपी ज्ञानेन्द्रबहादुर बस्नेतले जानकारी दिए ।
निजी विद्यालयहरूले मनपरी शुल्क असुलेको विषयमा नगरपालिकाले चासो नदिएको भन्दै नगरपालिका पुगेका विद्यार्थीहरूले त्यहाँ तोडफोड गर्दै नगर प्रहरीमाथि आक्रमण गरेको प्रहरी भनाइ छ ।
विद्यार्थी समूहको आक्रमणबाट ४ जना नगरप्रहरीहरू घाइते भएका छन् । साथै उनीहरूले नगरपालिकाका कार्यवाहक मेयर एवं रंगेली–८ का वडाध्यक्ष ढकप्रसाद आचार्य र प्रमुख प्रशासकीय अधिकृत ओमकारप्रसाद न्यौपानेमाथि दुर्व्यवहार गरेको आरोप छ ।
नगरका निजी विद्यालयहरुले मनपरी शुल्क लिँदा पनि नगरपालिका रमिते भएको भन्दै विद्यार्थीहरुले जेठ १३ मा नगरलाई ज्ञापन पत्र बुझाएका थिए । तर, अहिलेसम्म नगरले कुनै एक्सन नलिएको विद्यार्थी समूहले बयान दिएको प्रहरी भनाइ छ ।
उनीहरुमाथि अभद्र व्यवहारको मुद्दा चलाएको प्रहरीले जनाएको छ ।

सडक पूर्वाधार निर्माणमा सेनाको महत्त्वपूर्ण योगदान छ : राष्ट्रपति

कोप–३१ मा फोर एच नेपालले उठायो हिमाली युवाका विषय

एससिओ कप चेसमा नेपालको औसत प्रदर्शन

टेन्ट टाँगेर आफ्नै थातथलो फर्किए टिमुरेका बाढीपीडित

ट्रम्प चीनमा अवतरण, सीले अँगालो हालेर गरे स्वागत
अरुपनि पढ्नुहोस
सबै
मन्त्री बादीद्वारा बालबालिकामाथि हुने हिंसा अन्त्यका लागि सात बुँदे प्रतिबद्धता प्रस्तुत

दूरसञ्चार सेवा प्रदायकलाई जरिवाना र ब्याज मिनाहाको सुविधा

विजयनगरमा सरसफाइ तथा महिनावारी स्वच्छतासम्बन्धी अन्तरक्रिया कार्यक्रम सम्पन्न

इन्टरनेट सेवा प्रदायकलाई दूरसञ्चार दस्तुरको हिसाब बुझाउन १० दिनको अल्टिमेटम
















