कपिलवस्तुको कृष्णनगर अवधी संस्कृति संरक्षण कार्यक्रम सम्पन्न
धर्मेन्द्र कुमार कुर्मी


कपिलवस्तु, जेठ २० । कपिलवस्तुको कृष्णनगर नगरपालिकाको उद्योग बाणिज्य संघको सभा हलमा अवधी संस्कृति संरक्षण कार्यक्रम सम्पन्न भएको छ । साथै कार्यक्रममा स्थानीय कलाकारहरुको प्रस्तुति गरिएको थियो ।
कार्यक्रममा अहिरउवा नाच, कहरउवा नाच, धोवियाना नाच, झर्रा नाच, विरहा, अल्हा, चनैनी विरहा लगायत अवधी भाषाको लोकगीत कला संस्कृतिलाई प्रस्तुत गरिएको थियो । कार्यक्रमको प्रमुख अतिथि कृष्णनगर नगरपालिका नगर प्रमुख रजग प्रताप शाह र कार्यक्रमको अध्यक्ष निरहु यादवले अवधीको पहिचान झल्कने गरी धोती, कुर्ता र गम्छा लगाएर कार्यक्रममा सहभागी भएका थिए ।
प्रमुख अतिथिलाई मञ्चमा बस्नको लागि खटियाको व्यवस्थापन गरिएको थियो । कार्यक्रममा सहभागी भएका सम्पूर्णका लागि नास्तामा पुडी, सब्जी, गुलगुला, सोहारी र सोठौरा खुवाएर अवधी संस्कृतिको खाने परिकारलाई जोगाउने उद्देश्यले खुवाइएको थियो ।
कृष्णनगर नगरपालिका नगर प्रमुख रजत प्रताप शाहले कार्यक्रममा बोल्दै भने ‘ हाम्रो अवधी भाषाको छुट्टै इतिहास र पहिचान रहेको छ । अवधी भाषामा एक छुट्टै प्रकारको मिठास रहेको पाइन्छ । अवधी संस्कृतिको जन्मदेखि मृत्युसम्म छुट्टै संस्कृति रहेको छ । हाम्रो यस्तो संस्कृतिलाई हामी सबै मिलेर संरक्षण र जोगाउने जिम्मेवारी अनि दायित्व रहेको छ ।’
उक्त कार्यक्रम अवधी मिडिया जागरणको आयोजना, अवधी पत्रकार संघ कपिलवस्तुको समन्वय र कृष्णनगर नगरपालिका आर्थिकको सहयोगमा सम्पन्न भएको हो ।

सडक पूर्वाधार निर्माणमा सेनाको महत्त्वपूर्ण योगदान छ : राष्ट्रपति

कोप–३१ मा फोर एच नेपालले उठायो हिमाली युवाका विषय

एससिओ कप चेसमा नेपालको औसत प्रदर्शन

टेन्ट टाँगेर आफ्नै थातथलो फर्किए टिमुरेका बाढीपीडित

ट्रम्प चीनमा अवतरण, सीले अँगालो हालेर गरे स्वागत
अरुपनि पढ्नुहोस
सबै
मन्त्री बादीद्वारा बालबालिकामाथि हुने हिंसा अन्त्यका लागि सात बुँदे प्रतिबद्धता प्रस्तुत

दूरसञ्चार सेवा प्रदायकलाई जरिवाना र ब्याज मिनाहाको सुविधा

विजयनगरमा सरसफाइ तथा महिनावारी स्वच्छतासम्बन्धी अन्तरक्रिया कार्यक्रम सम्पन्न

इन्टरनेट सेवा प्रदायकलाई दूरसञ्चार दस्तुरको हिसाब बुझाउन १० दिनको अल्टिमेटम
















