भारतबाट भन्सार छलि ल्याइएका सामान र गाडीसहित दुई जना पक्राउ

नवलपुर टुडे


नवलपरासी, वैशाख १० । पश्चिम नवलपरासीको पाल्हिनन्दन गाउँपालिका वडा नं. १ महेशपुर चोकबाट भन्सार छलि ल्याउँदै गरेको सामान र गाडीसहित प्रहरीले दुई जनालाई पक्राउ गरेको छ ।
आइतबार राती पौने १० बजेतिर भारतबाट नेपालतर्फ आउँदै गरेको बा १८ च ५०५३ नम्बरको कारलाई इलाका प्रहरी कार्यालय महेशपुरबाट खटिएको प्रहरी टोलीले रोकी चेकजाँच गर्ने क्रममा उक्त कारको डिक्की भित्र भन्सार छलि चोरी निकारी गरी लुकाई छिपाई ल्याइएको डोनल ग्रुप कफी मेसिन र कफी बिन ग्रिन्डर १ सेट बरामद भएको थियो । उक्त सामाग्रीको अन्दाजी मूल्य रू.४ लाख रहेको प्रहरीले जनाएको छ ।
प्रहरीले कारसहित कार चालक कास्कीको पोखरा महानगरपालिका वडा नं. ३० सिसुवा बस्ने ३४ वर्षीय राज कुमार ताम्राकार र कारमा सवार सोही ठाउँका २९ वर्षीय सुदिप तिमिल्सेना समेतलाई नियन्त्रणमा लिईएको पश्चिम नवलपरासीका सूचना अधिकारी एवम् प्रहरी निरीक्षक सुदर्शन पन्थीले जानकारी दिए ।
नियन्त्रणमा लिइएको सामान र कारसहित चालक ताम्राकार र कारमा सवार तिमिल्सेनालाई ईलाका प्रहरी कार्यालय महेशपुरमार्फत आवश्यक
कारवाहीको लागि महेशपुर भन्सार कार्यालय नवलपरासीमा पठाइएको छ । थप अनुसन्धान कार्य जारी रहेको प्रहरीले जनाएको छ ।

सडक पूर्वाधार निर्माणमा सेनाको महत्त्वपूर्ण योगदान छ : राष्ट्रपति

कोप–३१ मा फोर एच नेपालले उठायो हिमाली युवाका विषय

एससिओ कप चेसमा नेपालको औसत प्रदर्शन

टेन्ट टाँगेर आफ्नै थातथलो फर्किए टिमुरेका बाढीपीडित

ट्रम्प चीनमा अवतरण, सीले अँगालो हालेर गरे स्वागत
अरुपनि पढ्नुहोस
सबै
मन्त्री बादीद्वारा बालबालिकामाथि हुने हिंसा अन्त्यका लागि सात बुँदे प्रतिबद्धता प्रस्तुत

दूरसञ्चार सेवा प्रदायकलाई जरिवाना र ब्याज मिनाहाको सुविधा

विजयनगरमा सरसफाइ तथा महिनावारी स्वच्छतासम्बन्धी अन्तरक्रिया कार्यक्रम सम्पन्न

इन्टरनेट सेवा प्रदायकलाई दूरसञ्चार दस्तुरको हिसाब बुझाउन १० दिनको अल्टिमेटम
















