माघ २२ गतेदेखि हराइरहेकी किशोरीको शव शिवपुरी जंगलमा गाडिएको अवस्थामा फेला

जगत ठाडा मगर


काठमाडौं, फागुन ३० । काठमाडौंको गोकर्णेश्वर नगरपालिका वडा नम्बर ३ तारेभीरभन्दा माथि शिवपुरी राष्ट्रिय निकुञ्ज जंगलमा एक जना किशोरीको शव गाडिएको अवस्थामा फेला परेको छ ।
जिल्ला प्रहरी परिसर काठमाडौंका एसपी नवराज अधिकारीका अनुसार फागुन २४ गते बिहीबार राति पौने ७ बजे स्थानीयले दुई वटा हात मात्रै देखिएको र शरीर गाडिएको शव फेला परेको भनी प्रहरीलाई खबर गरेका थिए । त्यस राति प्रहरी प्रभाग गोकर्णबाट खटिएको टोलीले घटनास्थललाई सुरक्षित राखी फागुन २५ गते शुक्रबार बिहान ८ बजे परिसर र प्रहरी वृत्त बौद्धबाट अनुसन्धान अधिकृत सहितको टोली खटिएको थियो । विशेषज्ञ तथा फरेन्सिक डाक्टर सहितको टोली पनि खटिएको थियो ।
गाडिएको शव निकालेर हेर्दा मृतक गोकर्णेश्वर नगरपालिका वडा नम्बर ३ बस्ने १८ वर्षीया सुष्मा लामा रहेको खुलेको थियो । उनी गत माघ २२ गते बिहान ५ बजेदेखि हराएकी थिइन् । उनी हराएको भन्दै आफन्तले खोजीकार्यका लागि माघ २५ गते प्रहरी वृत्त बौद्धमा निवेदन दिएका थिए ।
त्यसपछि उनको हुलिया परिपत्र, टेलिफोन, कल-डिटेलका आधारमा सम्भावित स्थानहरूमा खोजी गरिरहेको बेला शव फेला परेको एसपी अधिकारीले बताए । शव फेला परेपछि आमा लुच्ची तामाङलाई घटनास्थलमा लगेर सनाखत गरिएको थियो । शव टिचिङ अस्पतालमा पोष्टमर्टम भइसकेको छ ।
प्रहरी वृत्त बौद्ध, जिल्ला प्रहरी परिसर काठमाडौं र काठमाडौं उपत्यका अपराध अनुसन्धान कार्यालयको टोली घटनाको अनुसन्धान तथा संलग्न व्यक्तिहरुको खोजीकार्य गरिरहेको जनाएको छ ।

सडक पूर्वाधार निर्माणमा सेनाको महत्त्वपूर्ण योगदान छ : राष्ट्रपति

कोप–३१ मा फोर एच नेपालले उठायो हिमाली युवाका विषय

एससिओ कप चेसमा नेपालको औसत प्रदर्शन

टेन्ट टाँगेर आफ्नै थातथलो फर्किए टिमुरेका बाढीपीडित

ट्रम्प चीनमा अवतरण, सीले अँगालो हालेर गरे स्वागत
अरुपनि पढ्नुहोस
सबै
मन्त्री बादीद्वारा बालबालिकामाथि हुने हिंसा अन्त्यका लागि सात बुँदे प्रतिबद्धता प्रस्तुत

दूरसञ्चार सेवा प्रदायकलाई जरिवाना र ब्याज मिनाहाको सुविधा

विजयनगरमा सरसफाइ तथा महिनावारी स्वच्छतासम्बन्धी अन्तरक्रिया कार्यक्रम सम्पन्न

इन्टरनेट सेवा प्रदायकलाई दूरसञ्चार दस्तुरको हिसाब बुझाउन १० दिनको अल्टिमेटम
















