रौतहटको सदरमुकाम गौरमा टेम्पो, ई-रिक्सा चलाउन चालकले बुझाउँछन् महिनावारी

अशोक यादव


रौतहट, माघ २८ । रौतहट जिल्लाको सदरमुकाम गौरमा टेम्पो, ई-रिक्सा चलाउन चालकले महिनावारी बुझाउने तथ्य बाहिरिएको छ । सदरमुकाम गौरमा करिब १२ दर्जनको हाराहारीमा रहेको भारतीय टेम्पो र ई-रिक्साका चालकहरुले टेम्पो संघलाई १ हजार देखि १२ सयको महिनावारी बुझाउनु परेको नाम नखुलाउने सर्तमा एक टेम्पो चालकले बताएका छन् ।
ट्राफिक प्रहरी तथा कुनै दुर्घटना हुँदा सहुलियत पुग्नका लागि टेम्पो संघले प्रत्येक टेम्पो र ई-रिक्साका चालकसँग महिनावारी उठाउने गरेको हो । ट्राफिक प्रहरी कार्यालयको छेउमै रहेको अस्थायी टेम्पो स्टेण्डबाटै क्षमता भन्दा बढी सवारी बोकेर अोहोर दोहोर गर्ने गरेको तर ट्राफिक प्रहरी मौन देखिएको छ ।
टेम्पो चालकले भन्छन्, ‘हामीहरु महिनावारी तिर्छौ हाम्रा संघका ब्यक्तिहरुले सबै मिलाएको हुन्छन् । नतिरेपछि अनावश्यक दु:ख दिने गर्दछन् ।’ टेम्पो संघले महिनावारी उठाउँदा गौरमा छाडातन्त्रमा टेम्पो, ई-रिक्सा चलिरहेको हुँदा टेम्पो चालकहरुलाई ट्राफिक प्रहरीले कार्वाही नगरी सर्वसाधारणलाई दु:ख दिने गरेको सर्वसाधारणले बताउँछन् ।
यस बिषयमा टेम्पो संघका अध्यक्ष सुरेन्द्र जिसँग सोधपुछ गर्दा उनले भने ‘हामीले विभिन्न ठाउँमा कर तिर्नु पर्छ । त्यसैले हामीले सो रकम लिने गर्छौं तर सबै टेम्पो चालकले दिँदैन ।’ त्यस्तै यस बिषयमा जिल्ला ट्राफिक प्रहरी कार्यालयका प्रमुखसँग सोधपुछ गर्दा महिनावारीको बारेमा आफूहरुलाई केही थाहा नभएको र क्षमता भन्दा बढी सवारी बोकेका टेम्पो तथा ई-रिक्सालाई कार्वाहीको दायरामा ल्याउने बताएका छन् ।

सडक पूर्वाधार निर्माणमा सेनाको महत्त्वपूर्ण योगदान छ : राष्ट्रपति

कोप–३१ मा फोर एच नेपालले उठायो हिमाली युवाका विषय

एससिओ कप चेसमा नेपालको औसत प्रदर्शन

टेन्ट टाँगेर आफ्नै थातथलो फर्किए टिमुरेका बाढीपीडित

ट्रम्प चीनमा अवतरण, सीले अँगालो हालेर गरे स्वागत
अरुपनि पढ्नुहोस
सबै
मन्त्री बादीद्वारा बालबालिकामाथि हुने हिंसा अन्त्यका लागि सात बुँदे प्रतिबद्धता प्रस्तुत

दूरसञ्चार सेवा प्रदायकलाई जरिवाना र ब्याज मिनाहाको सुविधा

विजयनगरमा सरसफाइ तथा महिनावारी स्वच्छतासम्बन्धी अन्तरक्रिया कार्यक्रम सम्पन्न

इन्टरनेट सेवा प्रदायकलाई दूरसञ्चार दस्तुरको हिसाब बुझाउन १० दिनको अल्टिमेटम
















