ईलाका प्रहरी कार्यालय रौतहटमा जनचेतनामूलक कार्यक्रम सम्पन्न

अशोक यादव


रौतहट, माघ ६ । ईलाका प्रहरी कार्यालय कटहरियाले आज बजार व्यवस्थापन लगायत कटिया हाउस(होटेल) विक्री हुने मासुु, तरकारी, फलफूल, माछा लगायत खाद्यान्नसम्बन्धी तथा कालो बजारी न्यूनीकरण सम्बन्धि जनचेतनामूलक कार्यक्रम सम्पन्न गरेको छ । रौतहटको चर्चित बजार कटहरिया बजारमा रहेको कटिया पसलहरुको गुणस्तर बढाउन कार्यक्रम गरिएको हो ।
कार्यक्रमको प्रारम्भमा ईप्रका कटहरियाका प्रहरी बरिष्ठ नायव निरीक्षक अरुण कुमार सिंहले कटहरियाको कटिया पसलमा कालो बजारी बढेको आफूू समक्ष गुनासोहरु आउन थालेको सञ्चालकहरुलाई जानकारी गराएका थिए । कटहरिया कटियाको लागि प्रसिद्ध रहेकाले यसको गुणस्तर कायम राख्ने दायित्व कटिया हाउस सञ्चालकहरुको रहेकोले यस तर्फ ध्यानदिनुपर्ने सुुझाएका थिए ।
कटहरियामा रहेका कटिया होटेलहरुले बिक्री गर्ने कटिया मासुुको मूल्य निर्धारण गर्नुुपर्ने, मूल्यसूचि राख्नुपर्ने, गुणस्तर बढाउनु पर्ने, सरसफाइ, होटेलको सेवा स्तरीयता बढाउन सुुझाव दिने उदेश्यले कार्यक्रम आयोजन गरिएको थियो । उपभोक्ताहरुलाइ सफा, स्वस्थ र गुणस्तर युुक्त कटिया बिक्री वितरणमा ध्यान दिन सुुझाव दिइएको थियो ।
कार्यक्रममा उपस्थित व्यक्तिहरुले कटहरिया बजारमा मासुु, माछा, मुुर्गा कटरहरुको बिक्री वितरण गर्ने ठाउँ निधारण गर्नुुपर्ने, पसल बन्द गर्ने समय निर्धारण गर्नुपर्ने लगायत विषयमा आ-आफ्नो धारणा राखेका थिए । कार्यक्रममा आफ्नो धारणा राख्दै कटहरिया वडा नम्बर ४ का वडा अध्यक्ष चन्दन कुमार कुशवाहाले कटहरिया बजारको कटिया व्यापार घट्दै गएको भन्दै यस तर्फ सबैको ध्यान दिनुपर्नेमा जोड दिएका थिए ।
यस्तै कटहरिया वडा नम्बर ५ का वडा अध्यक्ष सर्फलाल गुप्ताले यी समग्र विषयहरुमा एउटा ठोस निर्णय गरि अगाडी बढनुुपर्ने बताए । यी विषयमा छिट्टै नै निर्णय गरिने उनले बताए । कार्यक्रममा मेयर प्रत्यासी नसरुदिन अन्सारी, योगेन्द्र साह, समाजसेवी राकेश गिरी, बिनोद साह लगायतले आफ्नो धारणा राखेका थिए ।
उनीहरुले चराचुरुङ्खीको मासु विक्री वितरण गर्दा ग्राहकसमक्ष बनाएर विक्री गर्नुपर्ने, मासुु तौल गरेर बेच्न आग्रह गरेका थिए । ईप्रका कटहरियाको इन्चार्जको जिम्मेवारी सम्हालेदेखि नै बरिष्ठ सइ सिंह एक्सनमा काम गरिरहेका छन् । आउने बित्तिकै परिचयात्मक कार्यक्रमदेखि लिएर सार्वजनिक सुनवाइ कार्यक्रम पनि आयोजना गरि सकेका छन् । नयाँ प्रमुखमा सिंह आएपछि ईप्रका कटहरिया थप सक्रिय बन्दै गएको छ ।
शान्ति सुरक्षाका लागि अहोरात्र खट्ने प्रतिबद्धता जनाएका उनले कडा एक्सनका साथ काम गरिरहेका छन् ।

चितुवा र दुम्सीको आतङ्कले किसान चिन्तित

म्याग्दी प्रहरीको ‘ब्राबोसेरा’ अभियान

नेपालको मौसममा ‘अक्वान’ चक्रवातको प्रभाव

आजका लागि तोकियो विदेशी मुद्राको विनिमयदर

राप्तीसोनारीका दश परिवारलाई जग्गाधनी प्रमाणपुर्जा वितरण
अरुपनि पढ्नुहोस
सबै
एआईमा सहकार्य बढाउन चिनियाँ राष्ट्रपति सीको आग्रह

सडक पूर्वाधार निर्माणमा सेनाको महत्त्वपूर्ण योगदान छ : राष्ट्रपति

कोप–३१ मा फोर एच नेपालले उठायो हिमाली युवाका विषय

एससिओ कप चेसमा नेपालको औसत प्रदर्शन
















