मकवानपुरमा मोटरसाइकलको ठक्करबाट पिटी गरिरहेका प्रहरी जवानको मृत्यु

जगत ठाडा मगर


हेटौंडा, पुस १८ । मकवानपुरको हेटौंडा उपमहानगरपालिका – ११ थानाभर्याङस्थित पूर्व पश्चिम सडकखण्डमा मोटरसाइकलको ठक्करबाट एक जना प्रहरी जवानको मृत्यु भएको छ ।
बुधबार बिहान पौने ७ बजेतिर हेटौंडाबाट नवलपुर जाँदै गरेको ना ४३ प २२२ नम्बरको मोटरसाइकलले पिटी गर्ने क्रममा दौडिरहेका प्रहरी जवानको टोलीलाई ठक्कर दिएको जिल्ला प्रहरी कार्यालयका डिएसपी लक्ष्मी भण्डारीले जानकारी दिए ।
ठक्करबाट डडेल्धुरा आतिलाल गाउँपालिका – ६ घर भई बागमती प्रदेश प्रहरी गण हेटौंडामा कार्यरत २५ वर्षीय प्रहरी जवान विनोद एडी गम्भीर घाइते भएका थिए । उनको हेटौंडा अस्पतालमा उपचारको क्रममा साढे ७ बजे मृत्यु भएको डिएसपी भण्डारीले बताए ।
यस्तै अन्य दुई जना प्रहरी जवान पनि घाइते भएका छन् । सोही गणमा कार्यरत प्रहरी जवान नवराज सार्कीको दायाँ हातमा र प्रहरी जवान विजय खत्रीको बायाँ खुट्टा, हातमा चोट लागेको छ ।
मोटरसाइकल अनियन्त्रित भई पिटी गरिरहेको प्रहरी जवानको टोलीलाई ठक्कर दिएको डिएसपी भण्डारीले जानकारी दिए । उनका अनुसार मोटरसाइकल चालक हेटौंडा-४ हुप्राचौर बस्ने ४१ वर्षीय लक्ष्मण लामा पनि घाइते भएका छन् ।
उनको टाउको र हातमा चोट लागेको छ । उनलाई पनि हेटौंडा अस्पताल लगिएकोमा त्यहाँबाट थप उपचारको लागि पुरानो मेडिकल कलेज भरतपुर लगिएको छ ।

चितुवा र दुम्सीको आतङ्कले किसान चिन्तित

म्याग्दी प्रहरीको ‘ब्राबोसेरा’ अभियान

नेपालको मौसममा ‘अक्वान’ चक्रवातको प्रभाव

आजका लागि तोकियो विदेशी मुद्राको विनिमयदर

राप्तीसोनारीका दश परिवारलाई जग्गाधनी प्रमाणपुर्जा वितरण
अरुपनि पढ्नुहोस
सबै
एआईमा सहकार्य बढाउन चिनियाँ राष्ट्रपति सीको आग्रह

सडक पूर्वाधार निर्माणमा सेनाको महत्त्वपूर्ण योगदान छ : राष्ट्रपति

कोप–३१ मा फोर एच नेपालले उठायो हिमाली युवाका विषय

एससिओ कप चेसमा नेपालको औसत प्रदर्शन
















