मन्त्रीको गाडी आगजनी घटना: एक युवकको मृत्यु, एकको अवस्था गम्भीर

जगत ठाडा मगर


ललितपुर, पुस १३ । ललितपुरको बालकुमारीमा भएको भौतिक पूर्वाधार तथा यातायात मन्त्री प्रकाश ज्वालाले प्रयोग गर्ने सरकारी गाडी आगजनी घटनामा एक जना युवकको मृत्यु भएको छ भने एक जनाको अवस्था गम्भीर रहेको छ ।
मन्त्री ज्वाला चढ्ने बा २ झ ५८६१ नम्बरको गाडीमा आगजनीपछि ललितपुरको ग्वार्को क्षेत्रमा शुक्रबार दिउँसो इपिएस परीक्षार्थीहरू र प्रहरीबीच झडप भएको थियो । त्यहीँ झडपमा परेर करिब २३ वर्षीय सुजन राउत घाइते भएका थिए । उनको इमाडोलस्थित किष्ट अस्पतालमा उपचारको क्रममा मृत्यु भएको जनाएको छ ।
राउत जुम्लाका हुन् । उनी भक्तपुर क्षेत्रमा बस्दै आएका थिए । राउत बालकुमारी क्षेत्रको सडकमै लडिरहेको अवस्थामा फेला परेपछि उनलाई उपचारका लागि अस्पताल लगिएको थियो । राउतको छातीमा निलडाम देखिएको अस्पताल स्रोतले जनाएको छ । राउतको शुक्रबार दिउँसो करिब पौने २ बजेतिर मृत्यु भएको हो ।
यस्तै प्रदर्शनमा सहभागी एक युवकलाई प्रहरीको गोली लागेपछि उनलाई उपचारका लागि पाटन अस्पताल लगिएको छ । उनको अवस्था गम्भीर रहेको र आईसीयूमा उपचार भइरहेको पाटन अस्पताल स्रोतले जनाएको छ ।
प्रदर्शनस्थलबाट प्रहरीले १० जनालाई पक्राउ गरेको छ ।

चितुवा र दुम्सीको आतङ्कले किसान चिन्तित

म्याग्दी प्रहरीको ‘ब्राबोसेरा’ अभियान

नेपालको मौसममा ‘अक्वान’ चक्रवातको प्रभाव

आजका लागि तोकियो विदेशी मुद्राको विनिमयदर

राप्तीसोनारीका दश परिवारलाई जग्गाधनी प्रमाणपुर्जा वितरण
अरुपनि पढ्नुहोस
सबै
एआईमा सहकार्य बढाउन चिनियाँ राष्ट्रपति सीको आग्रह

सडक पूर्वाधार निर्माणमा सेनाको महत्त्वपूर्ण योगदान छ : राष्ट्रपति

कोप–३१ मा फोर एच नेपालले उठायो हिमाली युवाका विषय

एससिओ कप चेसमा नेपालको औसत प्रदर्शन
















