गौतम बुद्ध अन्तराष्ट्रिय क्रिकेट रगंशालामा तत्काल खेल्न मिल्ने बनाउनभरतपुर महानगरपालिका प्रमुख रेनु दाहालको निर्देशन

चितवन, मंसिर २८ । भरतपुर महानगरपालिकाले रामपुरमा निर्माणाधिन गौतम बुद्ध अन्तराष्ट्रिय क्रिकेट रगंशालालाई तत्काल खेल्न मिल्ने बनाउने गरी निर्माण कार्यको टेन्डर गर्न निर्देशन दिएको छ । भरतपुर महानगरपालिका प्रमुख रेनु दाहालको अध्यक्षतामा गौतम बुद्ध अन्तराष्ट्रिय क्रिकेट रगंशालाको सम्वन्द्ध सरोकारवालासंग आज सिंहदरवारमा बसेको बैठकमा दाहालले सरोकारवाला निकायलाई यस्तो निर्देशन दिनुभएको हो ।

बैठकमा शहरी विकास मन्त्रालय भवन विभागका महानिर्देशक सहितको टिम, भरतपुर महानगरको प्रशासकीय अधिकृत नरेन्द्रकुमार राना, नेपाल क्रिकेट सघंको सचिव पारस खडका, प्रदेश खेलकुद परिषद्का सदस्य सचिव सुर्य भण्डारी, पुलचोक ईन्जिनियरिङ्ग क्याम्पसका प्रध्यापक, गौतम बुद्ध अन्तराष्ट्रिय क्रिकेट रगंशाला डिजाईन कन्सलटेन्ट टिम सहितको उपस्थिति थियो महानगरका इन्जिनियर साकार लामाले जानकारी दिए ।