लुम्बिनी प्रदेश क्षेत्र नम्बर १ (क) का कांग्रेस उपसभापति क्षेत्रीद्वारा पार्टी परित्याग

परासी, कार्तिक २१ । पश्चिम नवलपरासी लुम्बिनी प्रदेश क्षेत्र नम्बर १ (क) का नेपाली कांग्रेसका उपसभापति दिपक क्षेत्रीले पार्टी परित्याग गरेका छन । उनले सोमबार (आज) साझ सामाजिक संजाल फेसबुकबाट पार्टीका सबै जिम्मेवारी त्याग गरि स्वतन्त्र भएको जानकारी दिएको हो ।

उनले नेपाली कांग्रेस लुम्बिनी प्रदेश क्षेत्र नम्बर १ (क) का उपसभापति पद त्याग गरि स्वतन्त्र भएर आफ्नो क्षेत्र र समाजको हकहितको लागि सधै तत्पर रहने प्रतिबद्धतासमेत जनाएको छ ।

अगामी मंसिर ४ गते हुने आम निर्वाचनको समय नजिकदै गर्दा लुम्बिनी प्रदेश क्षेत्र नम्बर १ (क) का उपसभापति क्षेत्रीले पार्टी परित्याग गर्दा नेपाली कांग्रेस नवलपरासीलाई ठूलो धक्का लाग्ने स्थानियले अनुमान गरेका छन ।

उनले पार्टीको बारेमा कुनै पनि असन्तुष्ट जनाएको छैन । यद्यपि पार्टी परित्यागले नेपाली कांग्रेस नवलपरासीलाई धक्का लाग्ने आकलन गरिएको छ ।