माओवादी केन्द्र संसदीय दलको बैठक बस्दै

काठमाडौं, फागुन ४ । सत्तासाझेदार दल नेकपा (माओवादी केन्द्र)को संसदीय दलको बैठक बस्दै छ ।

प्रतिनिधिसभाको बैठकअघि दलको बैठक बस्न लागेको हो । बिहान १० बजे सिंहदरबारस्थित दलको कार्यालयमा बस्ने गरी बैठक आह्वान गरिएको प्रमुख सचेतक देव गुरुङले जानकारी दिए ।

बैठकमा प्रतिनिधिसभा बैठकका कार्यसूचीलगायत विषयमा माओवादी केन्द्रका सांसदले निभाउने भूमिकाबारे छलफल हुनेछ ।

विशेषगरी अमेरिकी सहयोगसम्बन्धी सम्झौता एमसीसी र महाअभियोग प्रस्तावबारे बैठकमा निर्णय गरिने बताइएको छ । आजको संसद् बैठकमा एमसीसी अनुमोदनका लागि टेबल गर्ने तयारी छ ।