चाडपर्वले प्रेम, सद्भाव र आपसी विश्वास सुदृढ बनाउँछ : रवि लामिछाने

नवलपुर टुडे

325Shares

सारांश

रास्वपाका सभापति रवि लामिछानेले तिहार, नेपाल संवत् र छठ पर्वका अवसरमा देशविदेशमा रहनुहुने सम्पूर्ण नेपालीहरूमा शुभकामना व्यक्त गर्नुभएको छ।
चाडपर्वले परिवार, समाज र समुदायबीचको प्रेम, सद्भाव, एकता र आपसी विश्वासलाई थप सुदृढ बनाउने उहाँले विश्वास व्यक्त गर्नुभएको छ।
विविधताबीचको राष्ट्रिय एकतालाई संस्कृतिसँग जोडिएका यी चाडपर्वहरूले अझ बलियो बनाउन सहयोग पुर्‍याउने शुभकामना सन्देशमा उल्लेख छ।

काठमाडौँ । राष्ट्रिय स्वतन्त्र पार्टी (रास्वपा)का सभापति रवि लामिछानेले हाम्रा चाडपर्वले परिवार, समाज र समुदायबीचको प्रेम तथा सद्भाव, एकता र आपसी विश्वासलाई थप सुदृढ बनाउने विश्वास व्यक्त गरेका छन् ।

तिहार, नेपाल संवत् र छठ पर्वका अवसरमा सबैलाई शुभकामना दिँदै सभापति लामिछानेले विविधताबीचको राष्ट्रिय एकतालाई हाम्रो पहिचान र संस्कृतिसँग जोडिएका महत्वपूर्ण चाडपर्वहरूले अझ बलियो र सुमधुर बनाउन सहयोग पुर्याउने विश्वास व्यक्त गरेका छन् ।

उनले “उज्यालो, उमङ्ग र उत्साहको पर्व तिहार तथा आस्था, श्रद्धा र समर्पणको पर्व छठले हामी सबैको जीवनमा सुख, शान्ति, समृद्धि र नयाँ आशाको सञ्चार गरोस्” भन्ने कामना पनि गरेका छन् ।