एनपीएल ३ : कर्णाली याक्सको खराब सुरुआत

काठमाडौं । कर्णाली याक्सले नेपाल प्रिमियर लिग (एनपीएल)को तेस्रो संस्करणमा जनकपुर बोल्ट्सविरुद्ध खराब सुरुआत गरेको छ ।  मंगलबार कीर्तिपुरस्थित त्रिवि क्रिकेट रंगशालामा टस हारेर ब्याटिङमा आएको कर्णालीले सुरुआती ६ ओभरमा तीन विकेट गुमाएर ३८ रन बनाएको छ ।

हाल क्रिजमा रहेका ओपनर अरिफुल इस्लाम र पवन सर्राफले क्रमशः १९ र एक रन जोडेका छन् । त्यसअघि पभेलियन फर्किएका मार्क डिपक डुम्रेले १९, हुसेन तलतले तीन र ओपनर मार्क वाटले एक रन बनाएका थिए । जनकपुरको निम्ति राहुल यादले दुई र मोइन अलीले एक विकेट लिए ।

दुवै टोली जितका साथ प्रतियोगिताको सुरुआत गर्ने लक्ष्यमा छन् । पहिलो सिजनको च्याम्पियन जनकपुर दोस्रो सिजन पुछारमा रहेको थियो । यता, पहिलो सिजनमा दोस्रो क्वालिफायरसम्म पुगेको कर्णाली दोस्रो सिजनमा लिग चरण पार गर्न सकेको थिएन ।