प्रविधि अपनाउँदै हिमाली गाउँपालिका: वडा, विद्यालय र स्वास्थ्य संस्थामा लागू भयो विद्युतीय हाजिरी

बाजुरा, असोज २३ । बाजुराको हिमाली गाउँपालिकाले आफ्ना मातहतका सरकारी कार्यालय, विद्यालय, वडा कार्यालय तथा स्वास्थ्य संस्थाहरूमा विद्युतीय हाजिरी (इ-हाजिरी) प्रणाली अनिवार्य रूपमा लागू गरेको छ। संघीयता लागू भएसँगै स्थानीय तहबाटै नागरिकलाई छिटो-छरितो र प्रभावकारी सेवा प्रवाहको अनुभूति दिलाउन गाउँपालिकाले यो कदम चालेको हो।

​नयाँ प्रविधिको प्रयोगमार्फत कार्यालयहरूमा अनुशासन कायम गराउने, कर्मचारीहरूलाई समयमै उपस्थित गराउने र कार्यसम्पादनमा सिस्टम बसाल्ने उद्देश्यले इ-हाजिरी प्रणाली सञ्चालनमा ल्याइएको हो। विशेष गरी दुर्गम क्षेत्रका विद्यालय र स्वास्थ्य संस्थाहरूमा कर्मचारी तथा शिक्षकहरूको उपस्थिति नियमित नहुने जनगुनासो निरन्तर आउने गरेको थियो।

अब विद्युतीय हाजिरी लागू भएसँगै शिक्षा र स्वास्थ्यमा गुणस्तर सुधार शिक्षक र स्वास्थ्यकर्मी समयमै उपस्थित हुँदा पठनपाठन नियमित हुने र गाउँघरमै गुणस्तरीय स्वास्थ्य सेवा उपलब्ध हुने विश्वास लिइएको छ। ​कर्मचारीको नियमितता र समयपालन: कर्मचारीहरू समयमा आउने र जाने बानीको विकास हुनेछ, जसले गर्दा सेवाग्राहीले ढिलासुस्तीको सामना गर्नु पर्दैन।

​पारदर्शिता र चुस्त सिस्टम विद्युतीय प्रणालीले हाजिरीमा हुने अनियमितता रोक्नुका साथै कार्यालयको प्रशासनिक कामकारबाहीलाई चुस्त-दुरुस्त र प्रविधिमैत्री बनाउनेछ।
​गाउँपालिकाका अनुसार स्थानीय सरकारको उपस्थितिको वास्तविक महसुस नागरिकलाई गराउन सेवाको गुणस्तर बढाउनु पहिलो शर्त हो। इ-हाजिरीको सुरुवातले दुर्गम गाउँपालिकाहरूमा पनि प्रविधिको प्रयोगमार्फत सुशासन र जवाफदेहिता कायम गर्न सकिन्छ भन्ने सकारात्मक सन्देश दिएको छ।